Azərbaycan İraqdakı kimsəsiz azərbaycanlılar üçün müraciət etməyib?
Bakı/06.04.18/Turan: "İraqdakı azərbaycanlı qadın və uşaqlarla bağlı Azərbaycan bizə rəsmi müraciət etməyib. İraqda olan azərbaycanlı uşaqlar və qadınlarla bağlı İraq hökuməti olaraq danışıqlar aparmağa, bu məsələni müzakirələr keçirtməyə hazırıq".
Bu sözləri İraq xarici işlər nazirinin müavini Səid Şorş Xalid Bakıda bildirib. PA-nın xəbərinə görə, o, qeyd edib ki, bir çox ölkəyə uşaqlarının geri qaytarılmasında köməklik göstəriblər.
"İraqda qalan 27 uşağın qaytarılmasında Rusiyaya kömək etmişik. Azərbaycanla da bu məsələni müzakirə etməyə hazırıq. Onların geri qaytarılmasına dair qərara gələ bilərik. Bildiyimə görə, Azərbaycan tərəfdən bununla bağlı bizə rəsmi müraciət daxil olmayıb. Müraciət olarsa, əlbəttə ki, danışıqlara hazırıq", İraq xarici işlər nazirinin müavini bildirib.
Ötən ilin sentyabrında İraqın İŞİD-dən azad olan ərazilərindəki sığınacaqlarda azərbaycanlı uşaqların olması üzə çıxmışdı. Onlardan Abdulla adlı uşaq Azərbaycana gətirilərək babasına təhvil verilmişdi.
Dövlət Təhlükəsizliyi Xidməti də bildirmişdi ki, son 5 ildə Azərbaycandan İŞİD sıralarına 900-a qədər şəxs qoşulub. Onlardan 151 nəfəri Azərbaycan qayıtdıqdan sonra mühakimə edilib.
Ötən ilin sonlarında xarici işlər naziri Elmar Məmmədyarov İraqda saxlanan azərbaycanlı qadınların, uşaqların işi ilə Xarici İşlər, Daxili İşlər nazirliklərinin və Ailə, Qadın və Uşaq Problemləri üzrə Dövlət Komitəsinin məşğul olduğunu bildirmişdi. Nazir demişdi ki, ilk növbədə İraq hökuməti ilə həmin insanların Azərbaycana gətirilməsi yolları və gələcək taleləri müzakirə ediləcək.
"Bu məsələ Bağdaddakı səfirliyimiz və konsulluğumuzun daimi diqqət mərkəzindədir. Bu məsələnin hər birinə fərdi qaydada baxılacaq. İstənilən insanı sadəcə götürüb ölkəyə gəlmək olmaz. İlk növbədə müvafiq hüquqi məsələlər müəyyənləşdirilməlidir. İraqda 100-dən bir az çox qadın və uşaq var. Bir ay ərzində bu siyahı tam dəqiqləşəcək", nazir qeyd etmişdi.--0--
-
- Siyasət
- 6 Aprel 2018 18:28
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz