Bakı azərbaycanlıların İraqdan qayıtması üçün tədbirlər görür - Məmmədyarov

Bakı/06.04.18/Turan: Rəsmi Bakı etnik Azərbaycanlıların İraqdan Vətənə qayıtması üzrə addımlar atır. Bu barədə cümə günü XİN başçısı Elmar Məmmədyarov jurnalistlərlə söhbətində bildirib.

Onun sözlərinə görə, İran tərəfi bu məsələdə yardım etməyi vəd edib, amma bu vəziyyətdə Bakıdan asılı olan heç nə yoxdur.

"İran hakimiyyəti araşdırma aparmalı və onların hansı terrorçu qrupa məxsus olduğunu müəyyən etməlidir", deyə o bildirib.

Eyni zamanda, İraqda azərbaycanlı qadınlar və uşaqlar var. Onlar barəsində də araşdırma aparılmalı və onların oraya necə düşdüyü, orada və burada kimlərinin olduğu müəyyən edilməlidir, deyə nazir bildirib.

"Biz artıq İraqa səlahiyyətli nümayəndə heyəti göndərmişik, onlar orada işləyirlər", deyə Məmmədyarov qeyd edib.

Xatırladaq ki, bir müddət əvvəl İraq parlamentinin deputatı Vian Dahid Tvitterdəki mikrobloqunda yazıb ki, yerli hakimiyyət İŞİD-lə əlaqədə şübhəli bilinən 200-ə yaxın Azərbaycan vətəndaşını saxlayıb.

Rəsmi Bakı bununla bağlı bəyanat verməyib. Amma güc qurumlarının nümayəndələri dəfələrlə bildiriblər ki, İraqda və Suriyada yüzlərlə Azərbaycan vətəndaşı döyüşür. -16D-