![Erdoğan Bakıya gəlib](https://turan.az/resized/media/2021/main/061500034304-750-500-resize.webp)
Bakı/15.06.21/Turan: İyunun 15-nə keçən gecə Türkiyə prezidenti Recep Tayyip Erdoğan Azərbaycana rəsmi səfərə gəlib.
Hava limanında Türkiyə nümayəndə heyətini baş nazir müavini Yaqub Eyyubov və xarici işlər nazirinin müavini Xələf Xələfov qarşılayıb.
İyunun 15-də səhər saatlarında Erdoğan və onu müşaiyət edən şəxslər Qarabağda yerləşən Şuşa şəhərinə gedəcəklər, burada Türkiyə və Azərbaycan arasında ikitərəfli sazişin imzalanması mərasiminin, habelə digər tədbirlərin keçiriləcəyi planlaşdırılır.
Erdoğan Bakıya Brüsseldə NATO-nun sammitində iştirakından sonra gəlib. Türkiyə prezidenti ABŞ prezidenti Co Baydenlə danışıqlardan sonra bir neçə mühüm bəyanat verib.
“Dağlıq Qarabağda, 30 il gecikmə ilə olsa da, ədalət zəfər çaldı. İndi düşmənçiliyi sülhlə əvəz edəcək yeni dövrün qapıları açıldı”, deyə Erdoğan bildirib.
Türkiyə prezidentinin sözlərindən məlum olub ki, o, Türkiyənin Qarabağ və bütünlükdə Azərbaycanda təhlükəsizlik məsələlərində iştirakını NATO-nun iştirakı kimi qiymətləndirir. Alyans beynəlxalq sabitliyin və təhlükəsizliyin təmin edilməsində mühüm rol oynayır və NATO-nun “təhlükəsizlik çətirinə” ehtiyac olan bütün regionlarda öz töhfəsini verməlidir, deyə o bildirib.
Baydenlə görüşünə toxunan Erdoğan görüşü çox pozitiv adlandırıb. Bütün kəskin məsələlərə və fikir ayrılıqlarına toxunulub.
Jurnalistin görüşdə “1915-ci il soyqırımı” mövzusunun müzakirə edilib-edilməməsi barədə sualına Erdoğan belə cavab verib: “Biz bu məsələyə ümumiyyətlə toxunmadıq”. -02D-
-
- Foto sessiyalar
- 15 İyun 2021 11:05
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz