Recep Tayyip Erdogan.
Bakı/28.09.20/Turan: Regionda Ermənistanın Dağlıq Qarabağı və Azərbaycanın ona bitişik rayonlarını işğal etməsi ilə başlayan böhrana son qoymağın vaxtı çatıb. Bu barədə bazar ertəsi prezident Recep Tayyip Erdoğan Ermənistan-Azərbaycan münaqişəsi zonasında gedən döyüş əməliyyatlarını şərh edərkən bildirib.
Türkiyə liderinin sözlərinə görə, Ermənistanın işğal etdiyi Azərbaycanın ərazilərini dərhal azad etməsi ilə regionda sülh və sabitlik bərqərar olacaq.
"Azərbaycanın səbri tükənib və Bakı öz gücü ilə erməni işğalına nöqtə qoyur", deyə Anadolu agentliyi Erdoğandan sitat gətirir.
Prezident qeyd edib ki, Türkiyə qətiyyətlə dost və qardaş Azərbaycanı dəstəkləməyə davam edəcək. Cənubi Qafqazda gedən son proseslər regionda nüfuzu olan ölkələrin münaqişənin ədalətli həllini dəstəkləməsi üçün yaxşı fürsətdir, deyə Türkiyə lideri əlavə edib. -02D-
Siyasət
-
Azərbaycanın xarici işlər naziri Ceyhun Bayramov, Türkiyənin Bolu vilayətinin Kartalkaya dağ-xizək kurortunda mehmanxanada baş vermiş faciəvi yanğından sonra, bazar ertəsi Türkiyənin xarici işlər naziri Hakan Fidana başsağlığı verib.
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
-
Fevralın 3-də Bakı Ağır Cinayətlər Məhkəməsində ictimai fəal Nicat İbrahimin işi üzrə proses başlayacaq. Bu qərarə çərşənbə günü hazırlıq iclasında hakim Aygün Qurbanova qəbul edib.
Rəy yaz