![Recep Tayyip Erdogan.](https://turan.az/resized/750/500/resize/media/2021/main/033100030621.jpg)
Recep Tayyip Erdogan.
Erdoğan: Ramazandan sonra Şuşaya gedəcəyik
Bakı/31.03.21/Turan: Türkdilli ölkələr Azərbaycanın 44 günlük müharibə nəticəsində erməni işğalından azad edilmiş ərazilərinin bərpası üzrə səylərini dəstəkləməlidir. Bu barədə çərşənbə günü Türkiyə prezidenti Recep Tayyip Erdoğan Türkdilli Dövlətlərin Əməkdaşlıq Şurasının sammitində bildirib.
Türkiyə prezidenti Azərbaycan rəhbərliyini və xalqını tarixi Qarabağ torpaqlarının azad edilməsi münasibətilə bir daha təbrik edib.
“Türkdilli ölkələrin Qarabağda türk abidələrinin qorunması və bərpa olunması işində də Azərbaycanı dəstəkləməyə davam etməsi vacibdir. Ümid edirəm ki, tezliklə, Ramazan bayramından sonra Şuşaya gedəcəyik, bu, bizim üçün daha bir bayram olacaq”, deyə “Anadolu” agentliyi Erdoğandan sitat gətirir.
Türkiyə lideri qeyd edib ki, bu gün dünya ictimaiyyətində baş verən dəyişikliklər Türk Şurası kimi əməkdaşlıq platformalarının əhəmiyyətini daha da artırır. Türk Şurasının statusunu yüksəltməyin, onu beynəlxalq təşkilata çevirməyin vaxtı çatıb, deyə Erdoğan qeyd edib.
Türkiyə prezidenti türkdilli dövlətlərin birgə səylərinin Kipr türklərinin maraqlarının müdafiəsinə də töhfə verəcəyindən əminliyini ifadə edib. -02D-
-
- İqtisadiyyat
- 31 Mart 2021 16:13
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz