Ərəbistan şirkətləri Azərbaycanda külək və günəş stansiyalarını inşa edəcəklər
Bakı/09.01.20/Turan: Cümə axşamı dövlət başçısı İlham Əliyev Səudiyyə Ərəbistanının ACWA Power şirkətinin İdarə Heyətinin sədri Mohammad Abunayyanı və BƏƏ “Masdar” şirkətinin icraçı direktoru Camel əl Ramahini qəbul edib. Bu barədə dövlət başçısının saytındakı məlumatda bildirilir.
Bu gün ərəbistanlı iş adamlarını Əli Əsədov da qəbul edib. Görüş zamanı Azərbaycanın Energetika Nazirliyi ilə ACWA Power və “Masdar” arasında bərpa olunan enerji üzrə pilot layihələrin həyata keçirilməsinə dair müqavilələr imzalanıb.
Nazirlər Kabinetinin məlumatına görə, pilot layihələr 240 meqavat gücündə külək elektrik stansiyasının, həmçinin 200 meqavat gücündə günəş elektrik stansiyasının inşasını nəzərdə tutur.
ACWA Power 20 Afrika ölkəsi, ərəb dünyası və Türkiyədə bərpa olunan enerji layihələri, suyun təmizlənməsi, enerji obyektlərinin və infrastrukturların inşası ilə məşğul olan böyük şirkətdir.
“Masdar”a gəlincə, bu şirkət təmiz və bərpa olunan enerji sahəsində layihələr ilə tanınır.-02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz