Карина Оганесян
Erməni əsilli Estoniya vətəndaşı Bakıdan deportasiya edilib
Bakı/28.03.18/Turan: Estoniya vətəndaşı, erməni əsilli Karina Ohanesyan martın 23-də Bakı aeroportunda saxlanılıb və geriyə deportasiya edilib. Bu barədə martın 28-də Ermənistan KİV K.Ohanesyanın Instagram səhifəsinə istinadən məlumat yayıb.
K.Ohanesyanın sözlərinə görə, aeroportda onu 12 saat saxlayıblar, bundan sonra geri göndəriblər.
K.Ohanesyan Tallin Şəhər Şurası sədrinin müşaviri və Estoniya Mərkəzçi Partiyasının gənclər qanadının sədridir. O, pedaqoqların beynəlxalq elmi-praktiki konfransında iştirak etmək üçün Estoniya nümayəndə heyətinin tərkibində Bakıya gəlib.
Onun sözlərinə görə, öncədən elektron viza alıb və Estoniyadan tədbir iştirakçısı kimi qeydiyyatdan keçib.
K.Ohanesyanın yazdığı statusa görə, nə Estoniyanın Bakıdakı səfirliyinin nümayəndələri, nə də Estoniyadakı Azərbaycan diasporunun təmsilçisi problemi həll edə bilməyiblər.
Azərbaycan XİN mətbuat xidmətindən Turan-ın sorğusuna cavab olaraq bildiriblər ki, Estoniya vətəndaşının saxlanması və ölkədən çıxarılması ilə bağlı onlarda məlumat yoxdur.
Xatırladaq ki, artıq bir neçə ildir ki, Azərbaycan hakimiyyəti erməni əsilli şəxslərin ölkəyə səfərini ciddi şəkildə məhdudlaşdırır. Hakimiyyətin razılığı olmadan bunu etmək mümkün deyil.-02D-
Siyasət
-
Mayın 2-də Bakı Ağır Cinayətlər Məhkəməsində hüquq müdafiəçisi İlhamiz Quliyevin cinayət işi üzrə hazırlıq iclası olub. Məhkəmə baxışı mayın 16-na təyin edilib.
-
Avropa İttifaqı yaxın günlərdə Azərbaycanda minatəmizləməyə dəstəklə bağlı yeni təşəbbüsünü açıqlayacaq. Bu barədə cümə axşamı jurnalistlərə Avropa İttifaqının Azərbaycandakı nümayəndəliyinin rəhbəri səfir Peter Mixalko bildirib.
-
Avropa İttifaqı Azərbaycanın güclü tərəfdaşıdır və ifadə, mətbuat və informasiya azadlığı məsələləri bu münasibətlərin bir hissəsidir. Bu barədə cümə axşamı Aİ-nin Azərbaycandakı missiyasının rəhbəri Peter Mixalko mayın 3-də qeyd edilən Ümumdünya Mətbuat Günü ilə əlaqədar jurnalistlərlə görüşündə bildirib.
-
Polis Kirants kəndini mühasirəyə alıb və Ermənistanın müxtəlif rayonlarından ərazilərin Azərbaycana qaytarılması prosesini pozmaq istəyən etirazçıları oraya buraxmır. Hazırda istehkamçıların minatəmizləmə işlərini aparmasına mane olan onlarla etirazçı saxlanılıb.
Rəy yaz