Bakı/27.09.20 / Turan: sentyabrın 27-də Ermənistan silahlı qüvvələri tərəfindən ağır silahlardan açılan atəş nəticəsində Azərbaycanın müxtəlif rayonlarında dinc sakinl’ri aras;nda beş nəfər həlak olub, daha 19 nəfər yaralanıb.
Azərbaycan Baş Prokurorluğunun mətbuat xidmətinin məlumatına görə, atəş nəticəsində məşhur Naftalan kurortunun yaxınlığında yerləşən Qaşaltı kənd sakini Elbrus İsa oğlu Qurbanov və onun 4 ailə üzvü həlak olub.
Faktla bağlı Goranboy rayon Prokurorluğu tərəfindən 120.2.1 (qəsdən adam öldürmə), 120.2.4 (xüsusi qəddarlıqla və ya ümumi təhlükəli üsulla törədilmiş qəsdən adam öldürmə), 120.2.7 (iki və daha çox şəxsi qəsdən öldürmə), 120.2.12 ( milli, irqi və ya dini nifrət və ya dini nifrət əsasında qəsdən adam öldürmə), 100.2 (təcavüzkar müharibənin aparılması) və Cinayət Məcəlləsinin digər maddələri ilə cinayət işi başlanıb.
Bundan başqa, 19 nəfər dinc sakin müxtəlif dərəcəli xəsarətlərlə xəstəxanaya yerləşdirilib.
Cəbrayıl rayonunun Cocuq Mərcanlı kəndində erməni silahlı qüvvələri tərəfindən dinc əhalinin artilleriya atəşinə tutulması nəticəsində yarımstansiya sıradan çıxmış və elektrik təchizatı kəsilmişdir.--0—
Siyasət
-
Böyük Britaniyanın MI 6 kəşfiyyat xidmətinin rəhbəri Riçard Mur sentyabrın 14-də Bakıya gəlib və ADA Universitetində mühazirə oxuyub. Bu barədə universitet rəhbərliyinin sosial şəbəkədəki nəşrindən məlum olub.
-
Sentyabrın 13-də Azərbaycan Xalq Cəbhəsi Partiyasının fəalı Mehman Əliyev Kürdəxanı İstintaq Təcridxanasında intihara cəhd edib. Bununla əlaqədar o, Penitensiar Xidmətin müalicə müəssisəsinə yerləşdirilib. Bu barədə Turan-a fəalın atası Aydın Əliyev bildirib.
-
Müdafiə Nazirliyinin N saylı hərbi hissəsinin hərbi qulluqçusu, əsgər Bağırov Nurbala Asif oğlunun odlu silahdan açılmış atəş nəticəsində ölməsi barədə Şəmkir hərbi prokurorluğuna məlumat daxil olub.
-
Sentyabrın 7-dən 13-dək polis azad edilmiş ərazilərdə çoxlu sayda silah və hərbi sursat aşkar edərək götürüb.
Rəy yaz