Erməni təxribatı nəticəsində bir hərbi qulluqçu həlak olub /YENİLƏNİB/

Azərbaycan Silahlı Qüvvələrinin hərbi qulluqçusu Orxan Novruzəlizadə erməni təxribatı nəticəsində həlak olub, cümə axşamı saat 11:24-də Müdafiə Nazirliyinin mətbuat xidməti bildirib.

Hadisənin harada baş verdiyi açıqlanmır. Görünür, söhbət Kəlbəcərlə Ermənistanın Geqarkunik vilayəti sərhədində Zod mədəni ərazisində baş vermiş bugünkü hərbi toqquşmadan gedir.

Bundan öncə Müdafiə Nazirliyi bir yaralının olduğunu bildirib.0

*   *   *

2023 May 11 (Cümə axşamı) 08:13:49

Zod qızıl yatağının ərazisində döyüş

Bakı/11.05.23/Turan:  Mayın 10-u axşam saatlarında Ermənistan silahlı qüvvələrinin bölmələri Basarkeçər rayonunun Zod istiqamətində yerləşən mövqelərindən Azərbaycan Ordusunun üzbəüz mövqelərini müxtəlif növ atıcı silahlardan intensiv atəşə tutmaqla qəsdən təxribat törədib. Bu barədə Müdafiə nazirliyinin məlumatında deyilir.

Qarşı tərəfin hədəfli atəşi nəticəsində Azərbaycan Ordusunun müddətdən artıq həqiqi hərbi xidmət hərbi qulluqçusu Mahmudlu Müslüm Vidadi oğlu başından ağır yaralanıb.

Yaralı hərbi qulluqçumuz dərhal hərbi tibb müəssisəsinə çatdırılıb.

Ermənistan tərəfinə təxribatlarına son qoyulması və qəsdən vəziyyətin gərginləşdirməməsi barədə  xəbərdarlıq edilməsinə baxmayaraq növbəti dəfə atəşkəsi pozub, məlumatda qeyd edilir.

 Azərbaycan Ordusunun bölmələri tərəfindən zəruri cavab tədbirləri görülüb.
Mayın 11-i səhər saatlarından etibarən Ermənistan silahlı qüvvələri vəziyyəti daha da gərginləşdirərək Zod istiqamətində yerləşən mövqelərindən Azərbaycan Ordusunun üzbəüz mövqelərini minaatanlardan atəşə tutub.

Azərbaycan Ordusunun bölmələri tərəfindən zəruri cavab tədbirləri görülür.

Ermənistan tərəfinin məlumatına görə, 4 erməni hərbçısı yaralabıb.-0-