Açiq mənbələrdən foto.
Ermənilər Azərbaycanı Qarabağda internet kabelini zədələməkdə və Qafan aeroportunu atəşə tutmaqda ittiham edirlər
Bakı/18.08.23/Turan: Avqustun 17-də saat 17:55-də Azərbaycan tərəfi internetin fiber-optik kabelini kəsərək Qarabağla Ermənistan arasında əlaqəni pozub. Bu barədə Ermənistan mətbuatı separatçı rejimin rəhbərlərinə istinadən məlumat yayıb.
Onların sözlərinə görə, Laçın sərhəd-keçid məntəqəsi yaxınlığında kabel qırılıb və Azərbaycan tərəfi erməni mütəxəssisləri həmin yerə buraxmır. Səhər saatlarından kabelin bərpası üçün sülhməramlıların iştirakı ilə danışıqlar aparılır. Hazırda Qarabağda internet yoxdur.
Həmin mənbələr avqustun 18-nə keçən gecə Qafan hava limanının binasının Azərbaycan tərəfdən atəşə tutulduğunu və ona ziyan dəydiyini bildirir. Bu hava limanı Azərbaycanın Qubadlı rayonu ilə sərhəddən bir neçə yüz metr aralıda yerləşir.
Azərbaycan tərəfi hələ ki ermənilərin bu açıqlamalarına münasibət bildirməyib. 02D
Siyasət
-
Noyabrın 18-də Xətai Rayon Məhkəməsi Meclis.info saytının təsisçisi İmran Əliyevin həbs müddətinin daha üç ay - 19 fevral 2025-ci ilədək uzadılması ilə bağlı istintaq orqanının vəsatətini təmin edib. Bu barədə Turan-a onun yaxınları bildiriblər.
-
Noyabrın 18-də Bakı Apellyasiya Məhkəməsində “Abzas Media işi” üzrə həbs edilmiş iqtisadçı və jurnalist Fərid Mehralızadənin ev dustaqlığına buraxılmasından imtinaya dair şikayətə baxılıb.
-
Avropa Şurasının insan hüquqları üzrə komissarı Maykl O'Flaerti prezident İlham Əliyevi hüquq müdafiəçilərini, jurnalistləri və fəalları həbsdən azad etməyə çağırıb.
-
Avropa İttifaqı (Aİ), noyabrın 18-də Aİ-nin Energetika Baş Direktorluğunun bəyanatına əsasən, bərpa olunan enerji inkişafına qlobal investisiyaları artırmağa yönəlmiş COP29-un yaşıl enerji şəbəkələri və saxlama üzrə Qlobal Öhdəliyini dəstəkləyəcək.
Rəy yaz