Açiq mənbələrdən foto.
Bakı/14.02.13/Turan: Azərbaycan Müdafiə Nazirliyi Naxçıvan Muxtar Respublikasında və Qarabağda Azərbaycan mövqelərinin atəşə tutulduğunu bildirib. Azərbaycan tərəfi cavab tədbirləri görüb.
Belə ki, iyulun 13-də saat 22:35-də Azərbaycan ordusunun Naxçıvan Muxtar Respublikasının Sədərək rayonu istiqamətində yerləşən bölmələrinin mövqeləri Ermənistan Silahlı Qüvvələrinin bölmələri tərəfindən atəşə tutulub.
Bundan əlavə, iyulun 14-də saat 01:10-da Qarabağdakı erməni silahlı birləşmələri Azərbaycan ordusunun Xocalı rayonu istiqamətindəki mövqelərinə atəş açıblar. Bu istiqamətlərdə Azərbaycan ordusunun bölmələri tərəfindən cavab tədbirləri görülüb, Azərbaycan Müdafiə Nazirliyinin məlumatında deyilir.
Separatçıların məlumatına görə, guya iyulun 14-də saat 11:00-a yaxın Azərbaycan hərbçiləri onların mövqelərini atəşə tutublar.
Ermənistan Müdafiə Nazirliyi isə Sədərəkdə Azərbaycan mövqelərinin atəşə tutulması barədə məlumatı təkzib edir. 06B
Siyasət
-
Azərbaycan prezidenti İlham Əliyev yanvarın 20-də Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlib.
-
Azərbaycan vətəndaşı Fərid Səfərli İran həbsxanasından azad edilərək ölkəsinə qaytarılıb.
-
Hazırda 1 saylı Bakı İstintaq Təcridxanasında saxlanılan “III Respublika Platforması”nın (ResPlatforma) spikeri Akif Qurbanov ailəsinə məxsus əmlaka həbs qoyulması ilə bağlı açıqlama yayıb. Açıqlama Qurbanova məxsus olduğu bildirilən facebook səhifəsində dərc edilib.
-
Azərbaycan Xalq Cəbhəsi Partiyasının fəalı Niyaməddin Əhmədov həbs cəzası çəkdiyi 7 saylı penitensiar müəssisədə aclıq elan edib. Bu barədə Azərbaycan Xalq Cəbhəsi Partiyasının məlumatında deyilir. Aclığa səbəb Əhmədovun karserə salınmasıdır.
Rəy yaz