Ermənilər tərəfindən edam edilmiş azərbaycanlı əsirlərin yeni kütləvi məzarlıqları aşkar edilib
Bakı/04.10.22/Turan: Xocavənd rayonunun Edilli kəndində Birinci Qarabağ Müharibəsi qurbanlarının kütləvi məzarlığı aşkar edilib.
Sentyabrın 14-dən 28-dək aparılan axtarışlar zamanı bu kəndin yaxınlığında üç məzar aşkar edilib. Onların ikisində altı nəfərin, birində isə ötən əsrin 1990-cı illərində ermənilər tərəfindən öldürülmüş 12 azərbaycanlı hərbçinin cəsədinin kütləvi şəkildə basdırıldığı aşkar edilib.
Ölənlərin hərbçi olmasını qəbirdən tapılan paltar, ayaqqabı, əsgər kəmərləri, nişanlar və digər ordu ləvazimatlarının elementləri sübut edir.
Həmin şəxslərin hansı şəraitdə öldürüldüyü - məzarın yanında güllələniblərmi, yoxsa başqa yerdə öldürülüb, sonra buraya gətiriliblər, bunu müvafiq ekspertizanın nəticələri müəyyən edəcək, - Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin kriminalistik şöbəsinin müdiri Nuranə Hüseynova Turan-a bildirib.
O xatırladıb ki, hələ 2022-ci ilin fevralında Edillidə mülki vətəndaş olduğu ehtimal edilən yeddi nəfərin skeleti tapılıb.
Azərbaycan Əsir və itkin düşmüş, girov götürülmüş vətəndaşlarla əlaqədar Dövlət Komissiyasının əməkdaşı Namiq Əfəndiyev Turan-ın müxbirinə bildirib ki, ötən əsrin 90-cı illərində azad edilmiş sağ qalan əsir və girovların ifadələri əsasında Edillidə məzarların axtarışına başlanılıb.
Şahidlərin ifadələri və digər məlumatlar əsasında müəyyən edilib ki, girov və hərbi əsirlər Edilliyə ətraf rayonlardan gətirilib. Burada paylama məntəqəsi olub, daha sonra oradan məhbuslar başqa yerlərə göndərilib.
Bəzilərini Edillidə saxlayaraq məcburi əməyə cəlb ediblər. Əsasən girovları və əsirləri kəndin yolunu Azərbaycanın dağıdılmış yaşayış məntəqələrindən gətirliən daşlarla döşəməyə məcbur ediblər.
Beynəlxalq Qızıl Xaç Komitəsinin məlumatına görə, Qarabağ münaqişəsi nəticəsində ümumilikdə 4500 nəfər itkin düşüb, onlardan 3800 nəfəri Azərbaycan vətəndaşıdır.
2020-ci il 44 günlük müharibədən sonra aŞuşa, Kəlbəcər rayonlarında, Fərrux dağında və digərlərində azərbaycanlıların kütləvi basdırıldığı bir neçə məzarlıq aşkar edilib.—06C-
-
- Siyasət
- 5 Oktyabr 2022 01:07
Siyasət
-
Birləşmiş Ştatlar cümə günü bildirib ki, Azərbaycan və Ermənistan Bakıda keçiriləcək BMT-nin iqlim konfransı COP29 ərəfəsində sülh razılaşmasına nail ola biləcəklərinə ümid edir.
-
Cümə günü Bakı Ağır Cinayətlər Məhkəməsində müxalif siyasətçi Tofiq Yaqublunun işi üzrə proses davam edib. Yaqublunun vəkilləri Demokratik Qüvvələrin Milli Şurasının üzvlərindən, müxalif fəallardan əlavə şahidlərin, o cümlədən siyasətçinin həyat yoldaşı Maya Yaqublunun məhkəməyə dəvət olunması haqqında vəsatət qaldırıblar.
-
Ermənistan və Azərbaycan arasında sülh nəinki mümkündür, həm də əlçatandır. Bu barədə dünən BMT Baş Assambleyasında çıxış edən Ermənistan baş naziri Nikol Paşinyan bildirib.
-
1 saylı Bakı İstintaq Təcridxanasında saxlanılan məhbus Bəkirova Məleykə Roman qızının sentyabrın 23-də telefonla danışmaq istəyərkən təcridxananın rejim rəisi Ədalət Qurbanov tərəfindən döyüldüyü bildirilir.
Xaricdən gələn təhlükələrə qarşı necə mübarizə aparmalı?- Əhməd Əlili Çətin sualda
Audio xəbər
Xəbər lenti
-
- Siyasət,
- 10:29
- 850
Rəy yaz