![Açiq mənbələrdən foto.](https://turan.az/resized/750/500/resize/media/2023/main/072900064891.webp)
Açiq mənbələrdən foto.
Ermənilərin aeronaviqasiya üçün yaratdığı maneələrlə əlaqədar Azərbaycan hərbiçiləri mülki təyyarələrin təhlükəsizliyini təmin edir
Bakı/29.07.23/Turan: İyulun 29-da Azərbaycanın müdafiə naziri Zakir Həsənov nazir müavinlərinin, qoşun növü komandanlarının, nazirliyin baş idarə və idarə rəislərinin, həmçinin hərbi birlik komandirlərinin iştirakı ilə xidməti müşavirə keçirib.
Müşavirədə Azərbaycan-Ermənistan şərti sərhədində və Rusiya sülhməramlı kontingentinin müvəqqəti yerləşdiyi Qarabağ iqtisadi rayonunda mövcud əməliyyat şəraiti təhlil edilib.
Nazir Azərbaycanın hava məkanından istifadə etməklə uçuşlar yerinə yetirən yerli və xarici aviaşirkətlərin sərnişin təyyarələrinin GPS peyk naviqasiya sistemlərinə qarşı Rusiya sülhməramlı kontingentinin müvəqqəti yerləşdirildiyi Azərbaycan ərazilərindəki qeyri-qanuni erməni silahlı dəstələri tərəfindən radiomaneələrin tətbiqinin son günlərdə intensivləşməsinə toxunaraq, hava gəmilərinin təhlükəsizliyinin təminatı ilə bağlı müvafiq göstərişlər verib.
Sonda Həsənov İstanbulda keçirilən "IDEF - 23" 16-cı Beynəlxalq Müdafiə Sənayesi Sərgisi çərçivəsində keçirilən görüşlərin əhəmiyyətini qeyd edərək, silahlanmaya yeni qəbul edilən silah və döyüş texnikasının şəxsi heyət tərəfindən mənimsənilməsi, həmçinin Su-25 ML (modernizə edilmiş "Laçın") hücum təyyarəsinin atəş imkanlarının öyrənilməsi və döyüş tapşırıqlarının icrası zamanı effektiv tətbiqinə dair konkret tapşırıqlar verib. 06B
-
- Bazarların icmalı
- 29 İyul 2023 12:16
-
- Siyasət
- 29 İyul 2023 12:22
Siyasət
-
İyulun 30-da Bakı Ağır Cinayətlər Məhkəməsində Həmkarlar İttifaqı fəalı Afiyəddin Məmmədovun işi üzrə prosesdə iki şahidin – Daxili İşlər Nazirliyinin çevik alayının əməkdaşları Mustafa İsmayılovun və Sadiq Həsənlinin ifadələri dinlənilib.
-
İran prezidentinin andiçmə mərasimində iştirak etmək üçün Tehrana gedən Azərbaycanın baş naziri Əli Əsədovu təkcə vitse-prezident Məhəmməd Rza Arif qəbul edib.
-
Bakı Ağır Cinayətlər Məhkəməsində jurnalistlərin məhkəmə proseslərinə buraxılması dayandırılıb.
-
Ermənistan və Türkiyə Axurik-Akyaka dəmir yolu sərhəd keçidinin bərpası imkalarını nəzərdən keçirəcəklər, Ermənistan Xarici İşlər Nazirliyi iki ölkənin xüsusi nümayəndələri Ruben Rubinyan və Sərdar Kılıçın sərhəddə görüşünün yekunları barədə bildirib, "Sputnik-Armeniya" məlumat yayıb.
Rəy yaz