Ermənistan liderləri Moskvada Əliyevlə gözlənilən görüş ərəfəsində özlərini təcrid etdilər

Bakı/06.01.20/Turan: Ermənistanın baş naziri Nikol Paşinyan COVİD-19 koronavirus infeksiyası ilə əlaqədar özünü təcrid etmək qərarına gəlib. Bu barədə RİA-Novostiyə Nazirlər Kabinetinin mətbuat xidmətindən bildiriblər.

"Koronavirus ilə bağlı vəziyyətlə əlaqədar baş nazir özünütəcrid şəraitindədir",- agentliyin həmsöhbəti bildirib.

Çərşənbə axşamı Ermənistan prezidenti Armen Sarkisyanın Administrasiyasından RİA Novosti-yə bildiriblər ki, Ermənistan liderində (həmin vaxt Londonda olub və hazırda oradadır) koronavirus aşkarlanıb, o, özünütəcrid şəraitindədir.

Bundan öncə, yanvarın 5-də “İnterfaks” diplomatik mənbəyə istinadən məlumat verib ki, "Rusiyada Azərbaycan prezidentinin və Ermənistan baş nazirinin RF prezidenti ilə üçtərəfli görüşü planlaşdırılıb".

Onun məlumatına görə, sammit Yeni il tətilindən sonra baş tuta bilər, mümkün tarixlərdən biri  11 yanvardır.

Prezident Əliyev isə əksinə, fəaldır - Şuşanı mədəniyyət paytaxtı elan edir, Qarabağda aeroport inşa edilməsi haqda sərəncam verir, erməniləri Azərbaycan vətəndaşları elan edir və s.- 0-