Ermənistan Silahlı Qüvvələrinin atəşi nəticəsində həlak olan dinc sakinlərin sayı 22 nəfərə çatıb

Bakı/04.10.20/Turan:  Azərbaycanın Baş Prokurorluğu dünən Beyləqanın raket atəşinə tutulması nəticəsində bu yaşayış məntəqəsinin iki sakininin həlak olduğunu bildirib.

Axşam saatlarında mərmi partlayışından uçan evin altında alan Zülfiyyə İsgəndər qızı İsmayılova (1976-cı ildə anadan olub) və bacısı Arzu İsgəndər qızı Əsədova (1998-ci ildə anadan olub) həlak olublar.

Həmçinin şəhər sakinləri Etibar Təvəkkül oğlu Balakişiyev (1982-ci ildə anadan olub) və Sevda Yaşar qızı Bəşirova (1969-cu ildə anadan olub) müxtəlif dərəcəli bədən xəsarətləri alıblar, onlar xəstəxanaya yerləşdirilib.

Dünənki atışma zamanı  müxtəlif bədən xəsarətləri alan Səfər Əyyub oğlu Məmmədov (1966-cı ildə anadan olub) və Akif Yunis oğlu Quliyev xəstəxanaya yerləşdirilib.

Oktyabrın 2-də atışma zamanı Tərtərdə yaralananlardan biri vəfat edib.

Baş Prokurorluğun məlumatına görə, sentyabrın 27 - dən oktyabrın 3-dək həlak olan mülki şəxslərin sayı 22, yaralananların sayı 74 nəfər olub.—06В-