Yerevan/16.07.18/Turan: Ermənistan Müdafiə Nazirliyinin mətbuat xidməti bildirib ki, dünən Qazax rayonunda əsir düşən 1984-cü il təvəllüdlü Ermənistan vətəndaşı Karen Kazaryan hərbiçi deyil. Berdavan kənd sakini olan bu şəxs ruhi xəstədir, deyə öz növbəsində Ermənistan XİN bildirib.
Ermənistan hakimiyyəti Kazaryanın əsir götürülməsi ilə bağlı Beynəlxlaq Qırmızı Xaç Komitəsinə müraciət edib.
Ermənistan tərəfi Kazaryanın Azərbaycan tərəfə necə keçdiyini açıqlamır. Bir müddət əvvəl Azərbaycan Müdafiə Nazirliyi iyulun 15-də Ermənistan SQ-nin diversiya-kəşfiyyat qrupunun hücumunun qarşısının alındığını, Kazaryanın isə bu qrupun üzvlərindən biri olduğunu bildirib. -02D-
* * *
2018 İyul 16 (Bazar ertəsi) 12:47:36
Dövlət sərhədində Ermənistanın kəşfiyyat-diversiya qrupunun təxribatının qarşısı alınıb
Bakı/15.07.18/Turan: İyulun 15-i səhər saatlarında Azərbaycan-Ermənistan dövlət sərhədinin Qazax rayonu istiqamətində düşmənin kəşfiyyat-diversiya qrupu qoşunların təmas xəttini keçməyə cəhd göstərib.
Bölmələrimizin sayıqlığı nəticəsində düşmənin təxribat cəhdinin qarşısı alınıb və itkilər verərək geri çəkilməyə məcbur edilən qrupun bir üzvü əsir götürülüb.
Özünün bildirdiyinə görə o, 1984-cü il təvəllüdlü Karen Kazaryandır.
Hadisə zamanı Azərbaycan Ordusunun bölmələri itki verməyib.-0-
Siyasət
-
Azərbaycanla Avropa İttifaqı arasında icazəsiz yaşayan şəxslərin readmissiyası haqqında saziş çərçivəsində noyabrın 26-da Almaniyadan 37 Azərbaycan vətəndaşı geri qaytarılıb.
-
Bakı-Qazax avtomagistralının Tovuzdan keçən hissəsində qəza qeydə alınıb. Avtomobillərin toqquşması nətisində altı nəfər aldığı xəsarətdən dünyasını dəyişib.
-
Rəsmi Bakı Polşa prezidenti Ancey Dudanın Ermənistana rəsmi səfəri zamanı Azərbaycanla sərhədə getməsini pisləyib.
-
Times of India nəşrinin məlumatına görə, Pinaka raket sistemlərinin ilk partiyası Ermənistana göndərilib.
Rəy yaz