Вазген Манукян.
Ermənistanda Nikol Paşinyan üçün əvəz tapıblar
Bakı/03.12.20/Turan: Baş nazir Nikol Paşinyanın istefasını tələb edən 17 partiyanın şəxsində Ermənistan müxalifəti, görünür, baş nazir namizədini müəyyən edib. Sputnik Armenia-nın verdiyi məlumata görə, bu namizəd Ermənistan hökumətinin keçmiş baş naziri (1990-91-ci illər), sabiq müdafiə naziri (1992-93-cü illər) Vazgen Manukyan olacaq.
Manukyanın müvəqqəti hökumətin başçısı olacağı gözlənilir, bu hökumət növbədənkənar parlament seçkiləri keçirəcək, daha sonra yeni hökumət formalaşdırılacaq.
Müxalifət dekabrın 3-də axşam Nikol Paşinyanın istefası tələbi ilə küçələri bağlayaraq, ölkə üzrə ümumi etiraz aksiyası başlatmaq niyyətindədir.
90-cı illərdə Manukyan “Milli Demokratiya İttifaqı” partiyasını təsis edib. 1995-2007-ci illərdə parlamentin deputatı seçilib. 2009-cu ilin martında İctimai Şuranın sədri seçilib. Bu vəzifədə 2019-cu ilin dekabrına qədər qalıb. 2020-ci il oktyabrın sonlarında Qarabağda döyüş əməliyyatları zamanı hökuməti istefa etməyə və hakimiyyəti orduya təhvil verməyə çağırıb.
Manukyan 1996-cı ildə prezidentliyə namizədliyini irəli sürüb, o vaxtki dövlət başçısı Levon Ter-Petrosyanla rəqabət aparıb. Rəsmi məlumatlara görə, seçkilərdə Ter-Petrosyan qalib gəlib, amma Manukyan və onun tərəfdarları fəaliyyətdə olan prezidentin qələbəsinə etiraz ediblər. Ölkədə kütləvi etiraz aksiyaları keçirilib, bu aksiyalar parlament binası qarşısında kütləvi iğtişaşlara çevrilib. Siyasi böhrana baxmayaraq, Ter-Petrosyan vəzifədə qalmağa müvəffəq olub. -02D-
Siyasət
-
İran prezidentini İran-Azərbaycan sərhəddinə müşayiət edən İran dövlət televiziyasının müxbiri gecə yarısı helikopter qəzasının təfərrüatlarını bildirib.
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
Rəy yaz