Bakı/17.12.22/Turan: İkinci Ordu Korpusunun keçmiş komandiri və Ermənistan Baş Qərargahının kəşfiyyat idarəsinin keçmiş rəisi, general-mayor Arayik Arutyunyan həbs edilib. Bu barədə şənbə günü hüquq-mühafizə orqanlarındakı mənbələrə istinadən Sputnik Ermənistan xəbər verir.
Agentliyin məlumatına görə, Arutyunyan cümə axşamı, dekabrın 15-də həbs edilib.
Cinayət işi ilə bağlı dekabrın 14-də prokurorluğun rəsmi məlumatında təqsirləndirilən şəxsin adı, eləcə də vəzifəsi göstərilməyib.
Prokurorluq bildirir ki, səhlənkarlığı ucbatından “Ermənistan Silahlı Qüvvələri 2021-ci il mayın 12-də Azərbaycan Silahlı Qüvvələrinin Qeqarkunik rayonu Verin Şorja, Kut və Norabak kəndləri istiqamətində sərbəst şəkildə daxil olmuş hücumunun qarşısını ala bilməyən hərbi hissələrdən birinin komandirləri barəsində cinayət işi açılıb.
Arutyunyan müdafiəni bu istiqamətdə təşkil etməməkdə ittiham olunur.
Arutyunyan buna qədər Baş Qərargahın Kəşfiyyat İdarəsinin rəisi olub. -0-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz