Ermənistanda Paşinyanı devirməyə hazırlaşırlar, Əliyev və Ərdoğan isə sülhməramlı mərkəzin yaradılmasını müzakirə edirlər

Bakı/10.11.20/Turan: Noyabrın 11-də Yerevanda “Azadlıq” meydanında 17 müxalifət partiyasının çağırışı ilə mitinq keçiriləcək. Təşkilatçılar Paşinyanın imzaladığı sülh planını "xəyanət"hesab edirlər.

"Dünən tariximizin ən rüsvayçı verici səhifəsi yazıldı. Cəbhədə torpağı və dövlətçiliyi öz qanı ilə qoruyan əsgərlərin və bizim hamımızın arxasınca xəyanətkar saziş imzalandı. Hazırda bizim kollektiv birliyimiz, daxili iğtişaşlar və təxribatların istisna edilməsi son dərəcə zəruridir.

Sabah, noyabrın 11-də saat 13:00-da hamını Yerevanda “Azadlıq” meydanına mitinqə dəvət edirik”, - məlumatda deyilir.

Müxalifət Nikol Paşinyanın baş nazir postundan və ümumilikdə onun hökumətinin istefasına nail olacağını gizlətmir.

Bununla yanaşı, Azərbaycan və Türkiyə prezidentləri telefon danışığında Qarabağda atəşkəsin müşahidəsi üzrə Türkiyə-Rusiya sülhməramlı mərkəzinin yaradılmasını müzakirə ediblər.

Bu arada “Əliyev və Ərdoğan atəşkəsin müşahidəsi üzrə Türkiyə-Rusiya sülhməramlı mərkəzinin yaradılmasını yüksək qiymətləndiriblər və mərkəzin regionda möhkəm sülhün təmin olunmasına xidmət edəcəyinə əmin olduqlarını bildiriblər”, - Türkiyə prezidentinin məlumatında bildirilir.

Öz növbəsində, rəsmi Tehran Bakı və Yerevan arasında əldə edilmiş razılaşmadan məmnunluğunu ifadə edib.

“İran İslam Respublikası Rusiyanın Azərbaycanla Ermənistan arasında vasitəçiliyini və tərəflərin Dağlıq Qarabağ münaqişəsində atəşkəsə razılıq verməsini alqışlayır”,- hökumət administrasiyasının rəhbəri Mahmud Vaezi bildirib.

"Biz dövlətlərin beynəlxalq səviyyədə tanınmış sərhədlərinin qorunub saxlanılmasına və vətəndaşların hüquqlarının qorunmasına sadiqik”, - o əlavə edib.-02D-