Yerevan/18.05.18/Turan: Cümə günü Ermənistanın müdafiə naziri David Tonoyan və XİN başçısı Zoqrab Mnatsakanyan Naxçıvan istiqamətində (Sədərək) Ermənistanın cənub-qərb sərhədində olublar. Bu barədə Müdafiə Nazirliyinin mətbuat katibi Artsrun Ovannisyan bildirib.
"Yerində operativ şəraitlə tanış olan nazirlər hərbi birləşmə komandanlığı ilə sərhəd xidmətinin xüsusiyyətlərini müzakirə ediblər.
Tonoyan komandanlığa hər zaman ayıq olmağı, təxribatlara uymamağı və düşmənin istənilən cəhdinin qarşısını almağı tapşırıb", deyə Ovannisyan yazıb.
Qeyd edək ki, Ermənistan tərəfinin narahatlığı Azərbaycan prezidenti İlham Əliyevin bu yaxınlarda Naxçıvana səfər etməsi və Azərbaycan SQ-nin Naxçıvandan Ermənistanda istənilən hədəfə zərbə endirməyə hazır olduğunu bildirməsi ilə bağlıdır.
Bu zaman ən böyük təhlükə Naxçıvan sərhədindən cəmi 70 km məsafədə yerləşən Yerevanı əhatə edir.
Göründüyü qədər, Ermənistan tərəfi bu təhdidləri real hesab edir və mümkün xoşagəlməzliklərə hazırlaşır. -02D-
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
-
AZAL-ın təyyarəsinin qəzaya uğraması ilə bağlı Qazaxıstanın Nəqliyyat Nazirliyinin dərc etdiyi hesabat "ilkin xarakter daşıyır və baş verənlərin səbəbləri barədə nəticə yoxdur". Bu barədə “Rosaviasiya” - Rusiya Federal Hava Nəqliyyatı Agentliyinin məlumatında deyilir.
Rəy yaz