Саммит ОДКБ в Москве. 16 мая 2022 года
Ermənistanın müraciətinə reaksiya yoxdur
Bakı/13.09.22/Turan: 13 sentyabr saat 12.00-a qədər Rusiya Federasiyası və Kollektiv Təhlükəsizlik Müqaviləsi Təşkilatı Ermənistan-Azərbaycan sərhədində hərbi eskalasiyaya reaksiya verməyib.
Xarici İşlər Nazirliyi, Rusiya Federasiyası Müdafiə Nazirliyi, Kollektiv Təhlükəsizlik Müqaviləsi Təşkilatının saytlarında münaqişə və Ermənistan Təhlükəsizlik Şurasının müraciətilə bağlı heç bir məlumat yoxdur.
Bu gün Ermənistan Təhlükəsizlik Şurası “Dostluq, əməkdaşlıq və qarşılıqlı yardım haqqında müqavilənin müddəalarının həyata keçirilməsi məqsədilə Rusiya Federasiyasına, həmçinin Kollektiv Təhlükəsizlik Müqaviləsi Təşkilatına və Birləşmiş Millətlər Təşkilatı Təhlükəsizlik Şurasına rəsmi müraciət etmək” barədə qərar qəbul edib.
Bu, Ermənistanın Rusiya və Kollektiv Təhlükəsizlik Müqaviləsi Təşkilatını Azərbaycanla münaqişəyə cəlb etmək üçün ilk cəhdi deyil. Bu il mayın 16-da Moskvada Kollektiv Təhlükəsizlik Müqaviləsi Təşkilatının sammitində Paşinyan Ermənistanın yardım barədə çağırışlarına cavabın olmamasına, Azərbaycana silah satışına və 2020-ci il 44 günlük müharibə zamanı Kollektiv Təhlükəsizlik Müqaviləsi Təşkilatının neytral mövqeyinə görə təşkilat üzvlərini qınayıb.
Kollektiv Təhlükəsizlik Müqaviləsi Təşkilatına Ermənistan, Belarus, Qazaxıstan, Qırğızıstan, Rusiya, Tacikistan və Özbəkistan daxildir. Ermənistan təşkilata sədrlik edir.0-
Siyasət
-
Rusiyadan İrana qaz kəməri Azərbaycandan keçəcək, onun marşrutu razılaşdırılıb. TASS xəbər verir ki, bu barədə jurnalistlərə energetika naziri Sergey Tsivilev bildirib.
-
Toplum TV-nin işi üzrə polis nəzarətində olan jurnalist Fərid İsmayılov yanvarın 17-də saxlanılıb və Xətai Rayon Məhkəməsinə aparılıb. Bu barədə jurnalistin həmkarları məlumat veriblər.
-
İlham Əliyev İrakli Kobaxidzeni "Gürcü arzusu" partiyasının seçkilərdə qələbəsi münasibətilə təbrik edib və ona yeni uğurlar arzulayıb.
-
Yanvarın 17-də Bakının Xətai Rayon Məhkəməsi Meydan TV-nin jurnalistləri Aynur Elgünəş və Natiq Cavadlının ev dustaqlığına keçirilmələri haqqında vəsatətlərini təmin etməyib.
Rəy yaz