Ararat Mirzoyan
Bakı/03.11.23/Turan: Ermənistan və Azərbaycan artıq altıncı dəfədir ki, sülh müqaviləsi üzrə təkliflər mübadiləsi aparırlar. Bu barədə cümə günü Ermənistanın xarici işlər naziri Ararat Mirzoyan ölkə parlamentində bildirib. Qarabağda son hadisələrə baxmayaraq, Yerevanın "sülh çağırışının reallaşdırılması kursu davam edir", - Mirzoyan deyib.
Onun sözlərinə görə, Ermənistan Qranadada sülh çağırışının reallaşdırılması yolunda böyük addım atacağına ümid edirdi. "Lakin təəssüf ki, Azərbaycan prezidenti bu sammitdə iştirak etməyi zəruri və ya məqsədəuyğun hesab etməyib. Buna baxmayaraq, Qranadada bəyannamə imzalanıb ki, bu da mahiyyətcə Azərbaycanla gələcək sülh müqaviləsinin bağlanması üçün əsasdır", - Mirzoyan deyib.
O xatırladıb ki, bu müqavilənin birinci prinsipi tərəflərin ərazi bütövlüyünün qarşılıqlı tanınmasına aiddir. Ermənistan bu məsələdə maksimum konkretliyi təmin etmək istəyir.
Müqavilənin ikinci prinsipi iki ölkə sərhədinin delimitasiyası və demarkasiyası ilə bağlıdır. Proses sovet dövrünün ən yeni və qanuni xəritələri əsasında aparılmalıdır. Bu xəritələr 1974-1978-ci illərdə tərtib edilib.Delimitasiya SSRİ-nin süqutu anında mövcud olmuş sərhədlərin əsasında aparılmalıdır.
Nazirin sözlərinə görə, bu yanaşma beynəlxalq birlik tərəfindən anlayışla qarşılanır. "Və cəsarətlə güman edə bilərəm ki, ümumilikdə Azərbaycan tərəfi də belə anlayışa malikdir", - o deyib.
Üçüncü prinsip regional kommunikasiyaların açılmasına aiddir. Mirzoyan bir daha bildirib ki, Ermənistan kommunikasiyaların açılmasının əleyhinə deyil və özünü həmin kommunikasiyaların açılmasının əsas benefisiarlarından biri hesab edir.
Bütün kommunikasiyalar ərazisindən keçdikləri ölkələrin yurisdiksiyası altında bərabərhüquqlu və qarşılıqlı əsasda fəaliyyət göstərməlidir", - nazir vurğulayıb.
Sonra o, Ermənistan-Türkiyə münasibətlərinin nizamlanması məsələsilə bağlı nikbinliyini ifadə edib. "Ermənistan-Türkiyə münasibətlərinin normallaşması prosesi gedir. Diplomatik pasportu olanların, eləcə də üçüncü ölkə vətəndaşlarının Ermənistan-Türkiyə sərhədini keçməsilə bağlı Yaxın vaxtlarda qərar gözlənilir. 0
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz