Bakı/29.11.20/Turan: Ermənistanın yeni təyin olunmuş iqtisadiyyat naziri Vaqan Kerobyan Ermənistan İctimai Televiziyasına müsahibəsində Azərbaycan və Türkiyə ilə sərhədlərin açılmasının faydalılığı barədə bildirib.
"Sərhədlərin açılması geniş imkanlar yaradacaq: bizim ixracatçılar öz məhsullarını Rusiyaya və digər ölkələrə indiyədək olduğundan daha rahat yollarla ixrac edə biləcəklər. Türkiyə limanları açılacaq və bir çox geniş imkanlar veriləcək. Bəlkə də Azərbaycan bazarı bizim üçün, bizim bazarımız da Azərbaycan üçün açılacaq və bundan istifadə edə biləcək adamlar lazım olacaq", - o deyib.
Nazirin sözlərinə görə, onlar müvafiq proqram hazırlamaq niyyətindədir və bu proqram regionun deblokadasından sonra yaranacaq rifahdan istifadə etmək imkanı verəcək. -0-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz