Fazil Mustafa
Bakı/08.04.23/Turan: Silahlı hücum nəticəsində yaralanmış Azərbaycan Milli Məclisinin deputatı Fazil Mustafa üçüncü cərrahi əməliyyat keçirib. Bu barədə o, öz Facebook səhifəsində yazıb, aprelin 7-də üç saatdan çox çəkən əməliyyat keçirdiyini bildirib.
"Dünən üç saatdan artıq çəkən son əməliyyatdan sonra yaralarıma tikiş qoyuldu. Həmd olsun Allaha ki, hər şey yaxşılığı doğru gedir", deyə o qeyd edib.
Müalicə və reabilitasiya prosesi davam edir. "İnşallah yaxın vaxtlarda yenə də qaldığımız yerdən mübarizəmizə davam edəcəyik. Allah millətimizi və dövlətimizi qorusun", deyə Mustafa qeyd edib.
Martın 28-də Mustafayev yaşadığı evin qarşısında silahlı hücuma məruz qalıb. Hücum nəticəsində o, çiynindən və budundan güllə yaraları alıb. Deputat iki dəfə əməlliyyat olunub.
DTX siyasətçiyə qarşı hücumu terror aktı kimi qiymətləndirib.
KİV-də yayılan məlumata görə, silahlı hücumda birbaşa iştirak edən 4 nəfər saxlanılıb. Onların İran xüsusi xidmət orqanları və dini dairələri ilə əlaqəsi olduğu bildirilir.
Hüquq-mühafizə orqanları bu məlumatları təkzib etməyib. Azərbaycan parlamentinin bir çox deputatları azərbaycanlı siyasətçiyə qarşı terror aktında birbaşa İranı ittiham ediblər. 06B
Siyasət
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
-
Bakıda keçirilən BMT-nin İqlim Dəyişmələri üzrə Çərçivə Sazişinin Tərəflər Konfransının 29-cu Sessiyası (COP29) çərçivəsində noyabrın 16-da “Qarabağ” komandasının təşəbbüsü ilə dünyanın tanınmış futbol klublarının iqlim naminə alyansı təsis edilib. Alyans COP29 Sədrliyi və Birləşmiş Millətlər Təşkilatının İqlim Dəyişmələri üzrə Çərçivə Konvensiyasının (Framework Convention on Climate Change, UN FCCC) dəstəyi, “Qarabağ” və Avropa Klublar Assosiasiyasının (ECA) birgə təşkilatçılığı ilə təsis olunub.
-
Noyabrın 16-da BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Bakıda keçirildiyi məkanda ekofəallar iqlim dəyişkliyinə qarşı mübarizə üçün sənaye dövlətlərinin pul ödəməsini və meşə ərazilərində yaşayan insanların hüquqlarına hörmət edilməsini tələb edən aksiyalar keçirib.
-
Avropa Şurası Parlament Assambleyasının (AŞPA) Monitorinq Komitəsinin Azərbaycan üzrə həmməruzəçisi Liz Kristoffersen, vətəndaş cəmiyyəti fəalları Anar Məmmədli və Qubad İbadoğlunun sağlamlıq vəziyyətinin pisləşməsi ilə bağlı ciddi narahatlığını bildirib.
Rəy yaz