Fəallar və müxalifətçilər Qubad İbadoğluna qarşı işi "siyasi" hesab edirlər

Bakı/24.07.23/Turan:  Azərbaycan vətəndaş cəmiyyəti fəalları və müxalifətyönlü siyasətçilər Demokratiya və Rifah Partiyasının  sədri Qubad İbadoğlunun hakimiyyət tərəfindən təqib edilməsini pisləyiblər.

“Müdafiə Xətti” hüquq- müdafiə təşkilatının icraçı direktoru Rüfət Səfərov  hesab edir ki, Qubad İbadoğlunun həbsi siyasi xarakterlidir.

“Qubad İbadoğlu uzun illərdir ki, hakimiyyətin sosial-iqtisadi siyasətini tənqid edən görkəmli iqtisadçı alimdir. Eyni zamanda əsas müxalifət partiyalarından birinin lideridir”, - Səfərov qeyd edib.

O, Daxili İşlər Nazirliyinin İbadoğluna qarşı ittihamlarının səhihliyinə şübhə ilə yanaşıb.

«İbadoğlunun FETO ilə əlaqələndirilməsi, ofisindən 40 min dolların “tapılması” absurddur. Biz prosesi yaxından təqib edib, qiymətləndirməni davam etdirəcəyik”, hüquq müdafiəçisi qeyd edib. İbadoğlu savadlı adamdır, ziyalıdır, heç vaxt kriminalla  əlaqə qurmaz, üstəlik, müşahidə altında ola biləcəyini düşünərək. Prosesi yaxından izləyəcəyik”, - o deyib.

Azərbaycan Xalq Cəbhəsi Partiyasının sədri Əli Kərimli hesab edir ki, tanınmış siyasətçi  və alim Qubad İbadoğlunun həbsi “siyasi repressiya aktıdır”.

"Hakimiyyət müxalifətə qarşı repressiyalara son qoymalıdır", - Kərimli Facebook-da yazıb.

Demokratik Qüvvələrin Milli Şurasının sədri Cəmil Həsənli  Qubad İbadoğlunun saxlanılmasını "rejimin rüsvayçı addımı" adlandırıb.

«Gubad İbadoğlu ölkənin ən işıqlı ziyalılarından, ictimai-siyasi xadimlərindən biridir. Professor İbadoğlu Demokratiya və Rifah  Hərəkatının lideridir, dünyada tanınmış alimdir, London İqtisadiyyat Məktəbi, ABŞ-ın Duke və Rutqers iniversitetlərinin professoru olub. İqtisadiyyat üzrə ən nüfuzlu beynəlxalq tədbirlərdə ölkəni təmsil edib.  O, Hasilat Sənayesində Şəffaflıq üzrə beynəlxalq koalisiyada Azərbaycan vətəndaş cəmiyyətinin yeganə nümayəndəsi olub. Qubad İbadoğlunun polis əməkdaşları tərəfindən saxlanılması, sadəcə, rüsvayçılıqdır. Hakimiyətin nə deməsindən asılı olmayaraq şübhəsiz ki, baş verənlər İbadoğlunun müxalif siyasi mövqeyi və BİZ-tv-dəki ((YouTube-kanal, İbadoğlu ictimai-siyasi və sosial - iqtisadi problemlərlə bağlı müntəzəm çıxışlar edir.

https://www.youtube.com/@biz7116/about).

Qubad İbadoğlu iyulun 23-də günorta saxlanılıb. Dünən gecə Azərbaycan Cinayət Məcəlləsinin 204.1-ci maddəsilə (Satış məqsədi ilə saxta pul, qiymətli dövlət kağızları və ya xarici valyuta, yaxud xarici valyutada ifadə olunan qiymətli kağızları hazırlama, habelə əldə etmə və ya satma) cəlb edilib.

Ötən ay İbadoğlu Milli Şuranın rəhbəri, professor Cəmil Həsənli və Avropada siyasi mühacirətdə olan diplomat Arif Məmmədovla birlikdə Azərbaycan gənclərinin təhsil fondunun yaradıldığını bildirib. Fond Londonda qeydiyyatdan keçib.

Qubad İbadoğlu xaricdəki azərbaycanlı məmurların əmlakının müsadirə edilməsi və həmin vəsaitlərin bu fonda köçürülməsi təşəbbüsü ilə çıxış edib.

İyulun 11-də Qubad İbadoğlu Facebook səhifəsində Fondun missiyası barədə yazıb:https://www.facebook.com/photo/?fbid=10227427529705670&set=a.1043135450376.--06В-