Feministlərin aksiyasında jurnalistlərə qarşı polis zorakılığı
Bakı/09.03.20/Turan: Bazar günü Bakıda feministlərin keçirdiyi aksiya dağıdılarkən polis növbəti dəfə jurnalistlərə qarşı da kobud güc tətbiq edib. Ən ciddi xəsarət alan Meydan TV-nin əməkdaşı İzolda Ağayeva olub, o, polisin əlindən boğazına cırmaq yarası alıb.
Meydan TV-nin digər jurnalisti Aysel Ümidova aksiya iştirakçılarının saxlanılmasını çəkərkən o da saxlanılıb. Jurnalist bir neçə saat Səbail rayon 39-cu polis bölməsində saxlanılıb, ondan çəkdiklərini silməyi tələb ediblər, amma qız təzyiqə boyun əyməyib və son nəticədə onu sərbəst buraxıblar.
Toplum TV-nin jurnalisti Zərifə Novruzun əlinə vurub mobil telefonunu əlindən alıblar və telefonu zədələyiblər, həmçinin mətbuat kartını cırıblar.
Turan agentliyinin müxbirləri Əziz Kərimova və Tatyana Kryuçkinaya, Fərqanə Novruzovaya (azadliq.info), Nərgiz Abdsalamovaya (Mikroskop Media), Samirə Əliyə (anews.az) də təzyiq göstərilib.
Bundan başqa, polis jurnalistlərin videoçəkiliş aparmasına mane olub.
Jurnalistlərin bir hissəsi aksiyadan sonra, 39-cu polis bölməsinin qarşısında saxlanılan aksiya iştirakçılarının azad edilməsini gözləyərkən binadan uzaqlaşdırıldıqları zaman xəsarət alıblar. Jurnalistləri məcburi şəkildə metroya aparıb qatara mindiriblər və növbəti stansiyaya qədər müşaiyət ediblər. -0603B-
Siyasət
-
Azərbaycan prezidenti İlham Əliyev İranın şimalında İran prezidenti İbrahim Rəisinin, xarici işlər naziri Hüseyn Əmir Abdullahiyanın və digər müşayiət edən şəxslərin helikopter qəzasında faciəli surətdə həlak olması ilə əlaqədar İranın ali dini lideri Əli Xameneiyə başsağlığı verib.
-
Ayətullah Seyid İbrahim Rəisi və İran İslam Respublikasının 8-ci Prezidenti –bazar günü, mayın 19-u axşamüstü Qız Qalası bəndinin açılış mərasimindən Təbriz şəhərinə qayıdarkən Şərqi Azərbaycan əyalətinin Vərziqan bölgəsində hava qəzası keçirib– onu müşayən edən nümayəndə heyəti ilə birlikdə yüksək şəhidlik məqamına nail olmuşdur.
-
İran prezidentini İran-Azərbaycan sərhəddinə müşayiət edən İran dövlət televiziyasının müxbiri gecə yarısı helikopter qəzasının təfərrüatlarını bildirib.
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
Rəy yaz