Açiq mənbələrdən foto.
Bakı/10.05.22/Turan: Prezident İlham Əliyev “Formula 1” yarışlarının təşkili və keçirilməsilə əlaqədar Bakıya gələcək əcnəbilər və vətəndaşlığı olmayan şəxslər üçün viza prosedurlarının sadələşdirilməsi haqqında sərəncam imzalayıb.
Həmin şəxslər 10 may-15 iyun 2022-ci il tarixlərində məqsədinin “Formula-1” Azərbaycan Qran Prisi yarışı olduğunu təsdiq edən sənədlərin təqdim edilməsilə Azərbaycanın beynəlxalq hava limanlarında viza ala biləcəklər.
Yarışlarda akkreditasiya kartı, "Azərbaycan Qran Prisi" yarışına bilet və ya onun əldə olunmasını təsdiqləyən sənəd təsdiqedici sənədlər sayılır.
Azərbaycan Xarici İşlər Nazirliyinə "ASAN Viza" sistemi vasitəsilə əcnəbilərin və vətəndaşlığı olmayan şəxslərin elektron viza almasının mümkünlüyü barədə müvafiq beynəlxalq qurumlara məlumat vermək tapşırılıb.
Dövlət Miqrasiya Xidmətinə "Azərbaycan Qran Prisi" yarışları ilə əlaqədar gələnlərə viza prosedurunun sadələşdirilməsilə bağlı aviaşirkətlərə məlumat vermək tapşırılıb.- 06B-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz