Paris/17.11.18/Turan: "Fransa Dağlıq Qarabağ Respublikasını tanımır və özünü onun rəhbərləri hesab edənlərlə heç bir münasibət saxlamır", - Fransa XİN-in nümayəndəsi bildirib.
Bundan öncə Ermənistan KİV məlumat yaymışdı ki, tanınmamış Dağlıq Qarabağ Respublikasının (DQR) rəhbəri Bako Saakyan Fransada səfərdədir.
Bu səbəbdən Azərbaycan XİN bildirib ki, Saakyanın Fransaya səfəri Bakını Paris ilə münasibətlərə yenidən baxmağa məcbur edir.
"Fransa qondarma Dağlıq Qarabağ Respublikasını tanımır. O, özünü onun rəhbərləri kimi təqdim edənlərlə münasibət saxlamır", - qurumun nümayəndəsi qondarma DQR rəhbərinin Fransaya səfərinin Azərbaycanda etiraza səbəb olması ilə bağlı jurnalistin sualının cavabında deyib.
"Fransa ATƏT-in Minsk Qrupunun həmsədri kimi, məsələnin sülh yolu ilə və dayanıqlı həllinin tapılması üzərində çalışır, öz vasitəçilik missiyasını qərəzsiz yerinə yetirir", - RİA-Novosti XİN nümayəndəsindən sitat gətirib.
Xatırladaq ki, bundan öncə Azərbaycan XİN bəyanat yayaraq Fransanı ikili standartlarda ittiham edib və bu səbəbdən Azərbaycanın bu ölkə ilə münasibətlərinə yenidən baxmalı olacağını bildirib.-02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz