Açiq mənbələrdən foto.
Fransa Laçın dəhlizilə bağlı Birləşmiş Millətlər Təşkilatı Təhlükəsizlik Şurasına qətnamə hazırlayır
Bakı/25.08.23/Turan: Fransa Laçın dəhlizinin açılmasına dair qətnaməni Birləşmiş Millətlər Təşkilatı Təhlükəsizlik Şurasına təqdim etməyə hazırlaşır. Bu barədə Le Figaro jurnalının redaktor müavini Jan-Kristof Büssonun məqaləsində deyilir.
Onun sözlərinə görə, qətnamədə məqsəd “Azərbaycanın Laçın dəhlizini blokadaya alması səbəbindən aclıq astanasında olan” Dağlıq Qarabağ sakinlərinə kömək etməkdir.
Bundan əlavə, gələn həftə Paris və Fransanın böyük regionları “ərzaq, dərman, benzindən məhrum olan və vaxtaşırı elektrik, su və internet kəsintisinə məruz qalan” Qarabağ sakinləri üçün Ermənistana humanitar karvan göndərəcəklər, - məqalədə deyilir. 0
Siyasət
-
Yeni Kaledoniya Konqresinin yeni seçilmiş prezidenti Veilma Faleo Azərbaycanla əməkdaşlıq haqqında mübahisəli sazişin ləğv olunduğunu elan edib. Bu ilin əvvəlində Faleonun sələfi Ro Vamitan tərəfindən imzalanmış saziş Yeni Kaledoniyanın Fransadan müstəqilliyi uğrunda mübarizəsinin dəstəklənməsinə yönəlmişdi. Lakin bu addım Fransa hökumətinin kəskin reaksiyasına səbəb oldu və Azərbaycanı onun xarici ərazilərinə müdaxilədə və separatçı ambisiyaları qızışdırmaqda ittiham etdi.
-
Azərbaycan Xalq Cəbhəsi Partiyasının (AXCP) Suraxanı rayon şöbəsinin fəalı Tehran Abdullayev oktyabrın 15-də saxlanılıb. AXCP fəalının saxlanılmasından yalnız 3 gün sonra xəbər tutub.
-
Oktyabrın 18-də Bakının Səbail Rayon Məhkəməsində gənc tədqiqatçı Bəhruz Səmədovun saxlanıldıqdan sonra ona qarşı fiziki təzyiqlə bağlı araşdırmanın nəticəsinin olmamasına dair şikayətinə baxılıb.
-
Qərb Cənubi Qafqazda öz maraqlarını güdür, proseslərə müdaxilə etməyə çalışır, bu da region üçün təhdid təşkil edir. Bu barədə Rusiyanın XİN başçısı Sergey Lavrov oktyabrın 18-də İstanbulda 3+3 platformasının iclasının yekunlarına həsr olunmuş mətbuat konfransında bildirib.
Rəy yaz