Gələn həftə müxtəlif ölkələrdən Azərbaycana 200-400 vətəndaşın gətirilməsi planlaşdırılır
Bakı/26.03.20/Turan: Ölkə daxilində olan karantin məntəqələrinin qəbul etmək imkanlarını nəzərə alaraq, gələn həftə ərzində 200-400 nəfər Azərbaycan vətəndaşının 14-21 və ya 21-28 günlük karantin rejimində yerləşdirməklə müxtəlif ölkələrdən geri qaytarılmasının təmin edilməsi planlaşdırılır. İlk növbədə azyaşlı uşaqları olan ailələr, yaşlılar, tibbi yardıma ehtiyacı olan şəxslər və qadınlara üstünlük verməklə vətəndaşların müəyyən olunmuş qrafik çərçivəsində və karantin rejiminə yerləşdirməklə Azərbaycana gətirilməsi həyata keçirilir. Bu barədə Nazirlər Kabineti yanında Əməliyyat Qərargahının 25 mart tarixli məlumatında bildirilib.
Türkiyə ilə quru sərhəd yolu ilə Naxçıvan ərazisilə ölkəyə gəlmək istəyən Azərbaycan vətəndaşlarının müvəqqəti olaraq Türkiyə ərazisində sərhədyanı ərazilərdə yerləşdirilməsi, sonra Naxçıvan ərazisində yaradılan səhra karantin məntəqələrində qrup şəklində 14-28 gün müddətinə karantinə alınmaları nəzərdə tutulub.
Xarici ölkələrdən gələn vətəndaşların karantinə alınması məcburi xarakter daşıyır və bütün vətəndaşlardan karantin rejiminə ciddi şəkildə riayət etmək tələb olunur, məlumatda deyilir.
Sosial şəbəkələrdəki video-materiallara görə, hazırda Türkiyə ilə Naxçıvan arasındakı sərhəddə yüzə yaxın Azərbaycan vətəndaşı toplaşıb, evə qayıtmaq üçün gözləyirlər. Bunlar əsasən tələbələrdir.
Bu günə qədər çarter reysləri ilə ölkəyə 10 min Azərbaycan vətəndaşı gətirilib.02D-
-
- Cəmiyyət
- 26 Mart 2020 12:09
Siyasət
-
Azərbaycan prezidentinin köməkçisi Hikmət Hacıyev ABŞ-da səfərdədir. Bu barədə Azərbaycanın ABŞ-dakı səfirliyi X platformasında məlumat yayıb.
-
Belarus prezidenti Aleksandr Lukaşenko Azərbaycana dövlət səfəri çərçivəsində mayın 17-də səhər öz təyyarəsilə Füzuliyə gedib.
-
Azərbaycanın İrandakı səfirliyinin işinin bərpası istiqamətində tədbirlər görülür. Səfirliyin yeni məkanda fəaliyyətinin bərpa edilməsi planlaşdırılır. Bu barədə Xarici İşlər Nazirliyinin mətbuat katibi Ayxan Hacızadə KİV-in sorğusuna cavabında bildirib.
-
Mayın 15-də Azərbaycan Xalq Cəbhəsi Partiyasının fəalı Elxan Əliyev Umbaki təcridxanasıda quru aclıq aksiyası elan edib.
Rəy yaz