Gəncə şəhəri Ermənistan ərazisindən atəşə tutulur (VIDEO-YENİLƏNİB)

Bakı/05.10.20/Turan: Gəncə şəhəri Ermənistan ərazisindən atəşə tutulur, Azərbaycan Müdafiə Nazirliyi məlumat yayıb. -0-

*   *   *

2020 Oktyab 05 (Bazar ertəsi) 14:22:26

Ermənistan Azərbaycan şəhərlərini atəşə tutur (VIDEO-YENİLƏNİB)

Bakı/05.10.20/Turan: Hazırda Beyləqan, Bərdə və Tərtər şəhərləri Ermənistan silahlı qüvvələri tərəfindən atəşə tutulur. Adekvat tədbirlər görülür. Müdafiə Nazirliyinin mətbuat xidməti bildirir.—06D-

*   *   *

2020 Oktyab 05 (Bazar ertəsi) 11:10:56

Azərbaycan ərazisi Azərbaycan ərazisi Ermənistandan raket atəşinə tutulub - VIDEO

Bakı/05.10.20/Turan: Oktyabrın 5-də səhər saatlarında Azərbaycan HHM radiolokasiya sistemlərinin texniki vasitələri Ermənistanın Cermuk,  Qafan və Berd rayonları ərazisində yerləşən start mövqelərindən Azərbaycan ərazisinə atılan raket buraxılışını qeydə alıb.

Bu barədə Azərbaycan Müdafiə Nazirliyinin məlumatında bildiirlir.

Bütün cəbhə boyu sıxışdırılan düşmən artıq bir neçə gündür ki, Ermənistan ərazisindən Azərbaycan ərazisində əhalinin kompakt yaşadığı məntəqələrə, mülki infrastruktura sistematik raket zərbələri endirir.
Eyni zamanda Ermənistanın müdafiə nazirliyi Azərbaycan ərazisinin Ermənistandan atəşə tutulması faktını inkar edir və bunun işğal olunmuş ərazilərimizdən həyata keçirildiyini bildirir.
Ermənistanın bu cür məsuliyyətsiz və cinayətkar hərəkəti məqsədyönlü şəkildə Azərbaycanı cavab tədbirləri görməyə təhrik edir.

Müdafiə Nazirliyi raketlərin Ermənistan ərazisindən buraxıldığını təsdiq edən video təqdim edib.—06D--