Ermənistandan Azərbaycanı vuran hədəflər susdurlmalıdır

Bakı/05.10.20/Turan: Torpaqların işğaldan azad edilməsi qərar verilib, Azərbaycan ordusu tərəfindən düşmənə vurulan zərbə nəticəsində ərazilər geri qaytarılır. Bu barədə Milli İstiqlal Partiyasının oktybarın 5-də yaydığı bəyanatda deyilir.

Müəlliflər erməni tərəfin bütün cəbhə boyu məğlub olduğunu buna görə bir neçə gündür ki, Ermənistan ərazisindən Azərbaycanın mülki obyektlərinin hədəfə aldığını vurğulayır. “Beyləqan, Bərdə, Tərtər, Mingəçevir, Gəncə, Xızı, Abşeron və digər ərazilər Ermənistandan atılan raket zərbələri ilə hədəfə alınır”.

Müəlliflər düşmənin istənilən yerdə susdurulmasını vacib sayaraq hakimiyyətdən bu istiqamətdə qəti addımlar atılmasını vacib hesab edirlər.

Sənəddə vurğulanır ki, ilk olaraq Ermənistanın üzv olduğu KMTM və bu ölkənin hərbi müttəfiqi Rusiyaya xəbərdarlıq edilməli ardınca Azərbaycan əraizisinə raket zərbələri endirən hədəflər harada yerləşməsindən asılı olmayaraq vurulmalıdır.

Müəlliflər  deyilir ki, partiya bu yöndə istənilən dəstəyi verməyə hazır olduğunu bildirir, hər kəsi bu müqəddəs vəzifəni sonadək həyata keçirmək üçün Ordunun, Dövlətin, və Ali Baş Komandanın yanında olmağa çağırır.-05D-