Gəncə şəhərinə raket hücumu nəticəsində  9 nəfər mülki şəxs həlak olub (YENİLƏNİB)

Saat 13-ə olan məlumata görə, dağıntılar altından 9 nəfərin cəsədi çıxarılıb. FHN-in məlumatına görə, dağıntılar altında sağ qalanlar da var. 

* * *

Bakı/11.10.20/Turan: Ermənistan silaqhlı qüvvələrinin Gəncəyə raket zərbələri nəticəsində həlak olanların sayı 7 nəfərə çatıb. Ölənlər arasında üç qadın var. 34 nəfər yaralanıb, onların 16-sı qadın, 6-sı azyaşlı uşaqdır.

10-dan çox çoxmənzilli binaya və 100-dən çox müxtəlif təyinatlı mülki obyektə ziyan dəyib, bu barədə Baş Prokurorluğun mətbuat xidməti məlumat yayıb. –06D-

*   *   *

2020 Oktyab 11 (Bazar) 11:37:06

Gəncə şəhərinə raket hücumu nəticəsində  5 nəfər mülki şəxs həlak olub

Baku/11.10.20/Turan:  Ermənistan Silahlı Qüvvələrinin oktybarın 11-də gecə saat 2 radələrində cəbhə zonasından kənarda yerləşən, Azərbaycanın ikinci böyük şəhəri olan Gəncənin mərkəzi hissəsində yerləşən çoxmənzilli yaşayış binasını raket atəşinə tutması nəticəsində 5 nəfər həlak olub, 28 nəfər yaralanıb, çoxsaylı mülki infrastruktur obyektlərə külli miqdarda ziyan dəyib.

Bu barədə Azərbaycanın Baş Prokurorluğu məlumtat yayıb.

Baş Prokurorluq oktyabrın 10-da Ağdam rayonunun Çəmənli kənd sakini Gündüz Hüseynovun artilleriya atəşindən həlak olduğunu bildirir.

Azərbaycan və Ermənistan xarici işlər nazirləri oktyabrın 10-da saat 12-dən humanitra atəşkəs barədə sənəd imzalasa da qoşunların təmas xəttində döyüşlər davam edir və Azərbaycanın mülki obyektlərin artilleriya atəşinə tutulması davam edir.-0-