Bakı/03.12.22/Turan: Rusiya sülhməramlıları Azərbaycan toponimlərindən istifadə edir, lakin Rusiya Müdafiə Nazirliyi onları dərc etmir. Bunu Rusiyanın Qarabağdakı sülhməramlılarının komandanı, general-mayor Andrey Volkov şənbə günü Azərbaycanın dövlət orqanlarının nümayəndələrinə deyib.
“Biz Azərbaycan toponimlərinə hörmət edirik. Biz bütün toponimləri Azərbaycan tərəfinin bizə göndərdiyi adlarla yazırıq, lakin təəssüf ki, bu adlar Rusiya Müdafiə Nazirliyinin saytında saxlanmır. Rusiya Baş Qərargahının xəritələrində köhnə toponimlərdən istifadə edilir. Mən onlara görə cavab verə bilmərəm. Biz bütün toponimləri düzgün göstərib Rusiya-Türkiyə birgə monitorinq mərkəzinə də çatdırırıq. Bunu yoxlaya bilərsiniz”, – o əlavə edib.
Öz növbəsində, Azərbaycan Müdafiə Nazirliyinin mətbuat xidməti Rusiya tərəfini Qarabağdan göndərdikləri mesajlarda bir daha erməni yer adlarından deyil, Azərbaycan dilindən istifadə etməyə çağırıb.
Azərbaycan Müdafiə Nazirliyinin dekabrın 3-də yaydığı məlumatda deyilir: “Dəfələrlə müraciətlərimizə baxmayaraq, Rusiya Federasiyasının sülhməramlı kontingentinin rəsmi məlumatında Azərbaycan ərazilərinin hələ də qondarma erməni toponimləri ilə qeyd olunması təəssüf doğurur”. -02D-
Siyasət
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
-
İranın Energetika Nazirliyinin məlumatına görə, bazar günü İran və Azərbaycan prezidentlərinin iştirakı ilə "Qız Qalası" və "Xudafərin" bəndlərinin açılış mərasimi olacaq.
-
Azərbaycan prezidenti İlham Əliyev mayın 18-də Cəbrayıl rayonuna səfər edib.
Rəy yaz