Председатель парламента Грузии Ираклий Кобахидзе
Gürcüstan parlamentinin sədri Azərbaycana səfərini yarımçıq dayandırıb
Bakı/21.06.19/Turan: Gürcüstan parlamentinin sədri İrakli Kobaxidze iyunun 20-də Azərbaycana rəsmi səfərini yarımçıq dayandıraraq Gürcüstana qayıdıb.
Bu barədə Kobaxidzenin kabineti məlumat yayıb.
Gürcüstan parlamentinin sədrinin iyunun 20-də Azərbaycana səfəri başlayıb. O, səhər saatlarında Milli Məclisin sədri Oqtay Əsədovla görüşüb.
Bundan sonra İrakli Kobaxidze Gürvcütanda yaranan insidentlə bağlı səfəri təxirə salıb.
İyunun 20-də Parlamentlərarası Pravoslav Assambleyasının (PPA) Tbilisidə keçirilən 26-cı Baş Assambleyası zamanı assambleyanın sədri, Rusiya Federasiyasının deputatı Sergey Qavrilov Gürcüstan parlamenti spikerinin kürsüsündən nitq söyləyib. Bu zaman qalmaqal yaranıb, Gürcüstan parlamentinin müxalifətçi üzvləri toplantını pozub. Gürcüstan Arzusu Partiyası da toplantıya sədrliyin rusiyalı deputatlara yox, qurumun yunanıstanlı baş katibinə həvalə olunmasını tələb edib.
Ötən gecə isə Tbilisidə geniş etiraz aksiyası keçirilib. Polis güc tətbiq edərək aksiyanı dağıdıb, 52 nəfər saxlanılıb.
Gürcüstan prezidenti Salome Zurabişvili də Belarusa rəsmi səfərini yarımçıq dayandıraraq Tbilisiyə qaydıb. -03D-
Siyasət
-
İkinci gündür ki, Azərbaycan Baş Prokurorluğu ölkəyə pul vəsaitinin qaytarılmamasında ittiham olunan kənd təsərrüfatı məhsulları ixracatçılarının ifşa olunduğunu bildirir.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Cümə axşamı Avropa Parlamenti qəbul etdiyi qətnamədə Azərbaycanda insan hüquqlarının kobud şəkildə pozulmasını pisləyib. Sənəddə fəallara, jurnalistlərə və müxalifət liderlərinə qarşı repressiyalardan danışılır. Deputatlar bildiriblər ki, bu sui-istifadə halları COP29-un Bakıda keçirilməsilə bir araya sığmır. Avropa Parlamentinin üzvləri Avropa İttifaqını Bakıdan qaz asılılığına son qoymağa çağırıblar.
Rəy yaz