Yerevan/25.05.18/Turan: Mayın 24-də Rusiya və Gürcüstan nümayəndələri Praqada Abxaziya və Cənubi Osetiya ərazisində yüklərə gömrük nəzarəti üçün üçtərəfli komissiya yaradılacağı barədə razılıq əldə ediblər. Komissiyanın tərkibinə Gürcüstanın, Rusiyanın və İsveçrənin SGS şirkətinin nümayəndələri daxil olacaq. Bu barədə Ermənistan baş nazirinin müavini Tiqran Avinyan öz facebook səhifəsində yazıb.
"Saziş həyata keçirilərsə, "Yuxarı Lars" yolu bağlı olduğu hallarda bizim yüklərin nəqli üçün alternativ yollarımız olacaq", deyə Ermənistan KİV-ləri Avinyandan sitat gətirir.
O, həmçinin qeyd edib ki, bu mövzuda hələ mayın 14-də Soçidə Paşinyanın Putinlə görüşündə söhbət olub.
Bir müddət əvvəl Gürcüstan baş nazirinin xüsusi nümayəndəsi Zurab Abaşidze RF xarici işlər nazirinin müavini Qriqori Karasinlə görüşdən əvvəl rəsmi Tbilisinin Rusiyadan Gürcüstana və Ermənistana "ticarət dəhlizləri" açmağa hazır olduğunu bildirib.
Qeyd edək ki, bu saziş həyata keçirilərsə, Azərbaycan və Türkiyə tərəfdən yolların və əlaqələrin bağlanması ilə əlaqədar ciddi çətinliklər yaşayan Ermənistanın iqtisadi blokadasını zəiflədəcək.
Uzun illərdir Gürcüstan da hakimiyyətində Rusiya tərəfindən dəstəklənən separatçı rejimlər olan Abxaziya və Cənubi Osetiya tərəfindən kommunikasiya açmaqdan imtina edirdi. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz