Bakı/15.01.20/Turan: Ötən gün Gürcüstanın güc qurumları onların həmkarını girov götürmüş silahlı adamı saxlayıblar. Saxlanılan Gürcüstan vətəndaşına qarşı odlu silahın qanunsuz dövriyyəsi və girov götürülməsi maddələri ilə cinayət işi açılıb. Onu 10 ilədək həbs cəzası gözləyir.
“DİN sərhəd polisinin operativ və effektli işi nəticəsində gərginlik vaxtında səngiyib. Hazırda insident tamamilə yatırılıb”, - “Kavkazskiy uzel” DİN Daxili İşlər Nazirliyinə istinadən bildirib.
İnsident Azərbaycan ilə sərhəddin razılaşdırılmamış hissəsində baş verib, məlumatda qeyd olunur. Qurum səmərəli əməkdaşlığa görə azərbaycanlı həmkarlarına təşəkkür edib.
DİN dəqiqləşdirib ki, sərhədçi girov götürülüb. “Gürcüstan vətəndaşı odlu silah və əl qumbarasından istifadə etməklə hədələyərək Gürcüstan sərhədçisini sərhəddin razılaşdırılmamış hissəsinə tərəf irəliləməyə məcbur edib. Hadisə zamanı o, odlu silahdan bir neçə dəfə atəş açıb”, - polisin məlumatında bildirilib.—06D-
Siyasət
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
Rəy yaz