![Премьер-министр Грузии Мамука Бахтадзе](https://turan.az/resized/media/2019/main/041100018106-750-500-resize.webp)
Премьер-министр Грузии Мамука Бахтадзе
Gürcüstanın baş naziri Əfqan Muxtarlının oğurlanması işi üzrə istintaqın yekunlaşmasını gözləyir
Bakı/11.04.19/Turan: Gürcüstanın baş naziri Mamuka Baxtadze Tbilisidə azərbaycanlı jurnalist Əfqan Muxtarlının oğurlanması və Azərbaycan hakimiyyətinə təhvil verilməsi ilə bağlı vəziyyəti şərh edib.
Bu mövzuda sual ona aprelin 10-da Strasburqda AŞPA sessiyasında çıxışı zamanı verilib. Sualı AŞPA-nın Monitorinq Komitəsinin Azərbaycan üzrə məruzəçisi Ştefan Şennak verib. O, hakimiyyətin bu oğurluqda iştirak edən şəxslərin müəyyən edilməsi və cəzalandırılması üçün nə etdiyini soruşub.
"Əfqan Muxtarlının işi çox həssasdır. Biz, əlbəttə ki, Azərbaycanlı həmkarlarımızla əlaqə saxlayırıq və işimizi əlaqələndiririk. İstintaq davam edir və mən istintaq yekunlaşdıqda öz qiymətimi verə biləcəyəm", deyə Baxtadze bildirib.
Ştefan Şennak öz tvitter hesabında yazıb ki, Baxtadzenin cavabı onu qane etməyib. "Gürcüstan hakimiyyəti bu işə görə məsuliyyət daşıyır, onlar bu insan hüquqları pozuntusuna məhəl qoymadıqlarını dərk etmək istəmirlər", deyə Şennak qeyd edib.
Xatırladaq ki, Azərbaycanlı müxalif jurnalist Əfqan Muxtarlı 2017-ci ilin mayında Gürcüstanın mərkəzində polis işçiləri tərəfindən oğurlanıb. Bir gün sonra o, Bakıda sərhədi qanunsuz keçmək və qaçaqmalçılıq ittihamı ilə həbs edilib. Məhkəmə onu 6 il müddətinə azadlıqdan məhrum edib. -02D-
-
- Siyasət
- 11 Aprel 2019 15:09
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz