![Hafiz Babalıya qarşı qaçaqmalçılıq ittihamı irəli sürülüb](https://turan.az/resized/news/2023/uMKa9l6MO4dNvUEX2uxLWeUkXtY5hVFzyKmyiKiw-750-500-resize.webp)
Hafiz Babalıya qarşı qaçaqmalçılıq ittihamı irəli sürülüb
Hafiz Babalıya qarşı qaçaqmalçılıq ittihamı irəli sürülüb
Bakı/14.12.23/Turan: Dekabrın 14-də Bakı Şəhər Baş Polis İdarəsində araşdırmaçı jurnalist Hafiz Babalıya qarşı Azərbaycan CM-in 206.3.2-ci (qaçaqmalçılıq, əvvəlcədən əlbir olan bir qrup şəxs tərəfindən törədildikdə) maddəsi ilə ittiham irəli sürülüb. Bu barədə Turan-a vəkil Rəsul Cəfərov bildirib.
Onun sözlərinə görə, Babalı ittihamı qəbul etmir və onu jurnalist fəaliyyəti ilə əlaqələndirir.
Cümə axşamı günün ikinci yarısında Xətai Rayon Məhkəməsində Babalı barəsində qətimkan tədbirinin seçilməsi haqqında vəsatətə baxılacaq. 206.3.2-ci maddə ilə onu 5 ildən 8 ilədək azadlıqdan məhrumetmə cəzası gözləyir.
Xatırladaq ki, Bakı Şəhər Baş Polis İdarəsinin əməkdaşları Turan Agentliyinin iqtisadiyyat şöbəsinin redaktoru Hafiz Babalını dekabrın 13-də saxlayıblar.
Saxlanıldıqdan sonra onun Sumqayıtdakı mənzilində axtarış aparılıb, kompüteri, mobil telefonu, sənədləri müsadirə edilib. DİN nümayəndəsi Babalının Abzas Media əməkdaşlarına qarşı açılmış cinayət işi çərçivəsində saxlanıldığını bildirib.
Babalı korrupsiya faktları ilə bağlı jurnalist araşdırmaları ilə məşhurdur, bu araşdırmalar Abzas Media onlyan nəşrində dərc edilib.
Noyabrın 20-dən etibarən Abzas Media-nın direktoru Ülvi Həsənli, onun müavini Məhəmməd Kekalov, baş redaktor Sevinc Vaqifqızı və reportyor Nərgiz Absalamova saxlanılıb. Onlara qarşı "xarici valyuta qaçaqmalçılığı" ittihamı irəli sürülüb.
Azərbaycan dövlət məmurları arasında korrupsiya ilə bağlı jurnalist araşdırmaları üçün xarici donorlardan "qanunsuz" pul (qrant) alınması nəzərdə tutulur. 06В
-
- Dünyada
- 14 Dekabr 2023 13:54
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz