Hərbi ekspertlər Ermənistanın güclənməsi və Azərbaycan Silahlı Qüvvələrinin vəzifələri barədə

Bakı/12.08.21/Turan: Son bir neçə ay ərzində Ermənistanın hərbi rəhbərliyi Silahlı Qüvvələrin arsenalını, o cümlədən Rusiyanın köməyi ilə doldurmaqla fəal məşğul olur, - deyə “Sputnik-Armeniya” İnformasiya Agentliyi məlumat verir.

“Yalnız yeni silah növlərinin alınması deyil, həm də kadr hazırlığı, idarəetmə sahəsindəki dəyişiklikləri də əhatə edən uzunmüddətli ordu islahatının əsası qoyulub. … ordu rəhbərliyi tərəfindən görüləcək bir sıra vəzifələr qeyd edilib. O cümlədən Ermənistan ordusunun rus modelinə və lekallarına uyğun yenidən qurulması planlaşdırılır. İslahat çərçivəsində müdafiə nazirinin rolunun ciddi şəkildə gücləndirilməsi təklif olunur. İndi nazir postu əsasən inzibati, "mülki" xarakter daşıyır və Baş Qərargah rəisi sırf formal olaraq ona tabedir.

Nazir institutunun gücləndirilməsi səlahiyyətlərinin müəyyən qədər genişlənməsini, konkret, o cümlədən hərbi funksiyaların ona verilməsini nəzərdə tutur.

Qarşıdakı islahatların digər vacib komponenti Birləşmiş Ermənistan-Rusiya qüvvələr qoşun birləşmələrinin dəfələrlə güclənməsi olacaq. Hazırda Silahlıq Qüvvələrin Birgə Qruplaşmasına Ermənistan Silahlı Qüvvələrinin 5-ci Ordu Korpusunun bölmələri və respublikada yerləşən 102-ci hərbi baza daxildir. Gələcək model Ermənistanın bütün silahlı qüvvələrinin bu quruma daxil olmasını nəzərdə tutur. … nəzərə tutulan vəzifələr həm kadr hazırlığı, həm də müasir silah növləri almağa yönəlmiş çox böyük işlər və milyardlarla maliyyə tələb edir”, - deyə erməni KİV-i yazır.

Turan Ermənistan ordusunun güclənməsi perspektivlərini və Azərbaycan Silahlı Qüvvələrinin mümkün cavablarını qiymətləndirmək üçün müdafiə sahəsində azərbaycanlı ekspertlərə müraciət edib.

Siyasi şərhçi Vüqar Seyidov hesab edir ki, orduda bütün islahatların əsası puldur. “Əgər ermənilər ildə heç olmasa bir artıq milyard tapsalar, 10-15 ildən qarşımızda qorxulu güc görə bilərik. Əgər ermənilər müasir və effektiv ordunu daha tez müddətdə görmək istəyirlərsə, ildə 4-5 milyard sərf etməlidirlər. Bu halda onlar minimum 3 ildən sonra bizimlə vuruşa bilərlər”, - deyə Vüqar Seyidov bildirib.

Ermənilər öz qoşunlarının ruslarla daha sıx inteqrasiyasından danışır. Bu mahiyyətcə öz qoşunlarının rus ordusu ilə birləşməsi deməkdir. Çünki indi Ermənistan və Rusiya Silahlı Qüvvələri amerikalıların və Bundesverin formal və qeyri-rəsmi liderlik etdiyi Avropadakı Birləşmiş NATO Qrupuna nisbətən daha çox inteqrasiyaya malikdir.

Ruslar və ermənilərin vahid hava hücumundan müdafiə məkanı var, ora Qarabağ üzərində hava hücumundan müdafiə də daxil idi.

Qarabağ üzərində biz bilavasitə ruslara məxsus hava hücumundan müdafiə sistemi ilə də vuruşurduq. Erməni zabitlərinin 90%-i Rusiya hərbi məktəblərində və akademiyalarında təhsil alır. Daha sıx inteqrasiya onların ordusunu sadəcə vahid ordu edəcək. Ermənistan Rusiya Federasiyasının Cənub Hərbi Dairəsinin bir hissəsi olacaq.

Əgər əvvəl Rusiya Federasiyası Silahlı Qüvvələrinin 102-ci bazası Cənub Hərbi Dairəsinin döyüş qaydalarının avanpostu idisə, indi ütün Ermənistan onun ərazisi olacaq.

Dünyada Rusiya üçün hərbi situasiya yaransa, orda Cənub Hərbi Dairəsinin rəhbərliyi ermənilərin mülki hakimiyyətini də özünə tabe edəcək.

Ermənilərin Qarabağın işğal etmək xatirinə buna nə dərəcə hazır olduqlarını həyat göstərəcək. Ordunun rus lekallarına uyğun yenidən qurulmasına gəldikdə. O bəyən alman lekallarına uyğun idi? Erməni ordusu döyüş təlimatlarından, tədris metodiki prosesindən və silahlardan başlayaraq yalnız Rusiya standartlarına uyğun olaraq yaradılıb. Yalnız təşkilatı və kadr strukturlarında yerli demoqrafik reallıqlar və səfərbərlik potensialı nəzərə alınır.

Ermənistan Silahlı Qüvvələrini Rusiya lekallarına uyğunlaşdırmaqla cəbhə boyu fiziki olaraq lazımi sayda döyüş birləşmələri düzə bilməyəcəklər.

İndi Napoleon dövrü deyil ki, hərbi əməliyyatlar teatrında yaxşı silahlanmış və təlim görmüş məhdud sayda yerini tez-tez dəyişən birləşmələrlə döyüşmək mümkün olsun. Nə qədər təlim keçsə də, belə bir ordu döyüş birləşmələrinin sayına görə balanslaşdırılmış orduya qarşı mübarizədə məğlubiyyətə məhkumdur, - deyə Vüqar Seyidov əlavə edib.

Hərbi ekspert Ədalət Verdiyev fikirlərini Turanla bölüşərək bildirib ki, Qarabağın erməni əhalisi olan hissəsində hərbi sənaye olmadığı üçün bütün hərbi texnika İrəvandan gətirilir və rəsmi Bakının sülhməramlılar komandanı general Muradovdan soruşacaqları var.

“Əgər Ermənistan 9 Noyabr 2020-ci il tarixli Birgə Bəyanatı pozmağa davam edərsə, Azərbaycan Ermənistanın yenidən silahlanmasını gözləməməlidir. Eyni bəyanata əsaslanaraq, Bakının Xankəndi və Zəngəzur dəhlizində antiterror əməliyyatı başlatması lazımdır".

Ədalət Verdiyev əlavə edib ki, azərbaycan ordusu bu məqsəd üçün bir çox əməliyyatı uğurla həyata keçirir. Bu barədə açıq məlumat verilmir. –0-