“Hərəkat” blokunun 8 namizədi qeydiyyata alınıb
Bakı/13.01.20/Turan: “Hərəkat” seçki bloku öz namizədlərinə dəstək olaraq seçici imzalarının toplanması kampaniyasının başa çatdığını elan edib.
Blokun 18 namizədindən 17-i imza vərəqələrini təhvil verib.
Yalnız bir namizəd – NİDA Hərəkatının fəalı, keçmiş “vicdan məhbusu” İlkin Rüstəmzadəyə məhkumluğu səbəbindən imza vərəqələri verilməyib və o, kampaniyada iştirak edə bilməyib.
Blokun 8 namizədi, o cümlədən Azər Qasımlı, Toğrul Vəliyev, Mehman Hüseynov, Ruslan İzzətli, Səməd Rəhimli, Qurbanəli Yusibov, Baba Məmmədli və Elsever Seyidin namizədliyi qeydiyyata alınıb. Digər 9 namizəd dairə seçki komissiyalarının qərarlarını gözləyir.
Kampaniya zamanı 73 saylı Lənkəran şəhər seçki dairəsinin namizədi Baba Məmmədliyə və onun könüllülərinə seçki prosesindən kənarlaşdırmaq məqəsdilə təzyiq göstərilib.
10 saylı Binəqədi üçüncü seçki dairəsində namizəd Rabiyə Məmmədovanın səlahiyyətli nümayəndə təyin etmək hüququ məhdudlaşdırılıb.
* “Hərəkat” bloku 2019-cu il dekabrın 25-də bir qrup ictimai- siyasi fəal, jurnalist, vəkil tərəfindən yaradılıb. Qrup hüquqi dövlət, vətəndaşların hüquq və azadlıqlarının təminatı, müstəqil ədalət mühakiməsinin yaradılması uğrunda çıxış edir.06D-
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz