![Açiq mənbələrdən foto.](https://turan.az/resized/media/2023/main/071300064288-750-500-resize.webp)
Açiq mənbələrdən foto.
Həsənov və Qallant Azərbaycan və İsrail arasında strateji münasibətlərin möhkəmləndirilməsinin əhəmiyyətini vurğulayıblar
Bakı/13.07.23/Turan: İsrail Dövlətinin müdafiə naziri Yoav Qallant Azərbaycanda rəsmi səfəri çərçivəsində müdafiə naziri Zakir Həsənovla görüşüb.
Görüşdə Azərbaycan ilə İsrail arasında hərbi, hərbi-texniki sahələrdə əməkdaşlığın inkişaf perspektivləri, eləcə də qarşılıqlı maraq doğuran bir sıra məsələlər müzakirə olunub.
İsrail Dövlətinin müdafiə naziri Yoav Qallant müdafiə naziri Zakir Həsənovla görüşdən öncə Şəhidlər xiyabanında ölkənin ərazi bütövlüyü uğrunda canlarından keçmiş insanların, həmçinin Azərbaycanın Milli Qəhrəmanı, yəhudi əsilli Albert Aqarunovun məzarlarını ziyarət edib.
Nazir Zakir Həsənov bildirib ki, Azərbaycan-İsrail arasında tərəfdaşlığın yüksək səviyyədə olması təkcə dövlətlərin inkişafında deyil, habelə bütün regionda təhlükəsizliyin təmin edilməsində mühüm rol oynayır.
Nazir Yoav Qallant Azərbaycan-İsrail əlaqələrinin dostluq və qarşılıqlı etimada əsaslandığını vurğulayıb, hərbi əməkdaşlığın daha da inkişaf etdirilməsi baxımından bu cür görüşlərin və qarşılıqlı səfərlərin zəruriliyini qeyd edib.
"Strateji münasibətlərin daha da möhkəmləndirilməsi və təhlükəsizlik üzrə əlaqələrin genişləndirilməsinin əhəmiyyəti xüsusi vurğulanıb", deyə Müdafiə Nazirliyi qeyd edir. 03
-
- Maliyyə
- 13 İyul 2023 13:38
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz