Hulusi Akar.
Ankara/02.12.20/Turan: Çərşənbə axşamı Türkiyənin milli müdafiə naziri Hulusi Akar Dağlıq Qarabağda atəşkəs rejiminin monitorinqi üzrə birgə mərkəzin tikintisi barədə məlumat verib.
"Mərkəzin binasının tikintisi davam edir. Hərbçilərimiz öz missiyasına çox qısa müddətdə başlayacaqlar", - "Anadolu" agentliyi Akardan sitat gətirir.
Onun sözlərinə görə, birgə mərkəzdə türk və rus generallar fəaliyyət göstərəcəklər. "İki ölkənin zabitləri barışığın uzunmüddətli xarakter alması üçün atəşkəs rejiminin monitorinqində birgə iştirak edəcəklər", - türkiyəli nazir bildirib.
Akar xatırladıb ki, Mərkəzin fəaliyyətinin texniki aspektləri üzrə danışıqlar Türkiyə və RF Müdafiə nazirlikləri rəhbərlərinin müavinlərinin nəzarəti altında aparılıb.
O qeyd edib ki, Azərbaycan təkcə döyüş meydanında deyil, diplomatik cəbhədə də qələbə qazanıb.
Nazir deyb ki, türkiyəli mütəxəssislər Azərbaycan Silahlı Qüvvələrinin hazırlıq səviyyəsinin yüksəldilməsi proqramını davam etdirirlər.
"Biz Azərbaycandakı qardaşlarımız üçün əlimizdən gələni etməyə hazırıq. Buna heç bir şübhə ola bilməz", - H.Akar vurğulaylb. -02D-
Siyasət
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
-
1 saylı Bakı İstintaq Təcridxanasının sanitariya hissəsində saxlanılan iflic, birinci qrup əlil olan fəal Famil Xəlilov oktyabrın 2-dən etibarən quru aclığa keçib.
Rəy yaz