Azərbaycan Silahlı Qüvvələri "Soyuqlu" qızıl mədəni ərazisinin 74%-ni tutub

Bakı/02.12.20/Turan:  Dekabrın 2-də Azərbaycan Müdafiə Nazirliyi Kəlbəcər rayonunda yerləşən "Soyuqlu" (“Zod”) qızıl yatağından kadrlar yayıb.

Bu yataq 1993-cü ilin aprelində Kəlbəcərin işğalından sonra ermənilər tərəfindən qanunsuz istismar olunurdu. Sonrakı illərdə ermənilər yatağı qanunsuz istismar edərək və qızıl hasilatını genişləndirərək Azərbaycan ərazisində daha da möhkəmləndilər. Qeyri-rəsmi məlumatlara görə, bu illər ərzində ermənilər buradan 15 tondan artıq xalis qızıl əldə ediblər.

İkinci Qarabağ Müharibəsinin nəticələrinə əsasən ermənilər Kəlbəcərdən qovuldular və Azərbaycanın qoşunları Ermənistanla qanuni sərhəddi bərpa etdi. Bu zaman aydın oldu ki, qızıl işlənməsi üzrə böyük hissə mədən və şaxta, ağır texnika və digər infrastrukturla birlikdə Azərbaycandadır.

Azərbaycan dəyən zərərə görə repatriasiya almaq məqsədilə Ermənistanı beynəlxalq məhkəmələrlə hədələyib. Ehtimal etmək olar ki, bu yatağın qanunsuz istismarına görə erməni tərəfinin vurduğu ziyanın ödənilməsi üçün mədənin bütün avadanlıqları və texnikası müsadirə ediləcək.--0--