Hulusi Akar.
Ankara/22.12.20/Turan: Dağlıq Qarabağda vəziyyətə nəzarət mərkəzinin tikintisinə dair razılaşma reallaşır və Türkiyə oraya 60 hərbçi göndərib. Bu barədə Türkiyənin milli müdafiə naziri Hulusi Akar çərşənbə axşamı NTV telekanalına bildirib.
"Hazırda bizim personaldan 60 nəfər Azərbaycandadır. Mərkəzin tikintisi ilə bağlı bütün razılaşmalar əldə olunub və tikintiyə dair bəzi məsələlərin həlli qalır. Bizim adamlar ruslarla bir yerdə işləyəcəklər. Onların orada qalma müddətini Rusiya tərəfi ilə danışacağıq", - o bildirib.
Xatırladaq ki, Monitorinq Mərkəzi Qarabağda nizamlanma üzrə 10 noyabr tarixli üçtərəfli saziş çərçivəsində yaradılır. Mərkəz Dağlıq Qarabağa bilavasitə bitişik Ağdamda tikilir. Orada barışıq şərtlərinin yerinə yetirilməsinə nəzarət edən Rusiya və Türkiyə hərbçiləri çalışacaqlar. -02D-
Siyasət
-
Yanvarın 29-da keçirilən bələdiyyə seçkilərində altı seçki məntəqəsinin nəticələri ləğv edilib.
-
"Bütün siyasi məhbusların azad olunmasını tələb edirik. Siyasi məhbusların sağlıq durumuna görə hakimiyyət məsuliyyət daşıyır", - fevralın 3-də Müsavat Partiyası Divanının (İdarə Heyəti) iclasında bildirilib.
-
Turan agentliyinin iqtisadiyyat şöbəsinin redaktoru Hafiz Babalanın Qafqazinfo.az İnternet- nəşrə qarşı iddiasına baxılması əsassız olaraq yubadılır. Babalı “Abzas Media” nəşrinin işi üzrə həbs edilib.
-
Dövlət başçısının sərəncamı ilə Rüfət Əzizov Azərbaycan Dövlət Neft və Sənaye Universitetinin rektoru təyin edilib.
Rəy yaz