Hugo Guevara
Bakı/27.07.22/Turan: Huqo Gevara ABŞ-ın Azərbaycandakı müvəqqəti işlər vəkili təyin edilib, bu barədə səfirliyin 27 iyul tarixli məlumatında deyilir.
Diplomatik missiya rəhbərinin yeni müavininin Dövlət Departamentində böyük təcrübəsi var və son zamanda tutduğu vəzifələrdən biri ABŞ-ın Qvatemaladakı səfirliyindəki işidir. O, təhlükəsizlik və qanunun aliliyi sahəsində əməkdaşlıq məsələlərinə kuratorluq edib.
“Bakıya səfir müavini kimi gəlmişəm. Bu yaxınlarda səfir Litzenberger diplomatik fəaliyyətini başa vurur. Yeni səfir gələnədək müvəqqəti işlər vəkili olacam. Azərbaycan dilini Vaşinqtonda öyrənmişəm”, - o, videomüraciətində deyib.
Xatırladaq ki, hazırkı səfir Litzenberger bu ay öz missiyasını başa çatdırır. Bundan öncə ABŞ prezidenti Co Bayden Azərbaycanda səfir postuna Mark Libbinin namizədliyini irəli sürüb. Hazırda o, Dövlət Departamentində müşaviri vəzifəsini tutur. Onun namizədliyi Senat tərəfindən təsdiq edilməlidir. 16D06
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz