Huqo Gevara ABŞ-ın Azərbaycandakı müvəqqəti işlər vəkili təyin edilib

Bakı/27.07.22/Turan: Huqo Gevara ABŞ-ın Azərbaycandakı müvəqqəti işlər vəkili təyin edilib, bu barədə səfirliyin 27 iyul tarixli məlumatında deyilir.

Diplomatik missiya rəhbərinin yeni müavininin Dövlət Departamentində böyük təcrübəsi var və son zamanda tutduğu vəzifələrdən biri ABŞ-ın Qvatemaladakı səfirliyindəki işidir. O, təhlükəsizlik və qanunun aliliyi sahəsində əməkdaşlıq məsələlərinə kuratorluq edib.  

“Bakıya səfir müavini kimi gəlmişəm. Bu yaxınlarda səfir Litzenberger diplomatik fəaliyyətini başa vurur. Yeni səfir gələnədək müvəqqəti işlər vəkili olacam. Azərbaycan dilini Vaşinqtonda öyrənmişəm”, - o, videomüraciətində deyib.

Xatırladaq ki, hazırkı səfir Litzenberger bu ay öz missiyasını başa çatdırır. Bundan öncə ABŞ prezidenti Co Bayden Azərbaycanda səfir postuna Mark Libbinin namizədliyini irəli sürüb. Hazırda o,  Dövlət Departamentində müşaviri vəzifəsini tutur. Onun namizədliyi Senat tərəfindən təsdiq edilməlidir. 16D06