Bakı/15.10.21/Turan: Məşhur erməni hüquq müdafiəçisi Georgi Vanyan oktyabrın 15-də Tbilisidəki Amtel klinikasında vəfat edib. Bu barədə Tbilisidəki mənbələr məlumat yayıb və Vanyanın Ermənistandakı həmkarları məlumatı təsdiq edib.
Oktyabrın 9-da o, ağır vəziyyətdə xəstəxanaya yerləşdirilib. Son illər Vanyan Tavuş vilayətinin sərhəddə yerləşən Tsaxkavan kəndində yaşayırdı.
Onun təsis etdiyi Tekali prosesi (Gürcüstan, Ermənistan və Azərbaycanın sərhədində) bir neçə il boyunca üç ölkənin – Gürcüstan, Ermənistan və Azərbaycan ictimaiyyət nümayəndələrinin görüş və müzakirələrinin keçirildiyi yer olub. O, həmçinin Ermənistanda Azərbaycan filmləri festivalı təşkil etməyə çalışıb, buna görə onu ölümlə hədələyiblər.
Uzun illər boyunca Vanyan soydaşlarını azərbaycanlılarla barışmağa və Qarabağın Azərbaycanın bir parçası olduğunu qəbul etməyə çağırıb. O, həmçinin Xocalı soyqırımını pisləyən ilk erməni olub. Bu səbəbdən Vanyan təqib edilirdi, o, Yerevanı tərk etmək və fəaliyyətini dayandırmaq məcburiyyətində qalıb. Bir neçə ildir o, qazancını taksi sürücüsü işləyərək əldə edirdi. -02B-
Siyasət
-
Səhiyyə Nazirliyinin İctimai Səhiyyə və İslahatlar Mərkəzi publik hüquqi şəxsin mülki müdafiə qərargahının rəisi, hərbi ekspert Ədalət Verdiyev həbs edilib.
-
Bazar ertəsi Bakı Apellyasiya Məhkəməsi talış tarixinin tədqiqatçısı İqbal Əbilovun həbsinin 4 ay uzadılması barədə şikayətə baxıb.
-
"Gürcüstanda qara bazar ertəsi: polis və xüsusi təyinatlıların qoruduqları qapıların arxasında “Gürcü Arzusunun kölələri" bizim Konstitusiyamızı məhv edir və parlamentimizi təhqir edirlər". Bazar ertəsi Gürcüstan prezidenti Salome Zurabişvili müxalifəti tanımayan yeni çağırış parlamenti belə şərh edib.
-
Gürcüstanlı tanınmış fəal Samirə Bayramovanı Yerevanda təyyarədən buraxmayıblar. O, WAW aviaşirkətinin reysilə Tbilisiyə uçurmuş, lakin pis hava şəraitinə görə təyyarə Yerevana məcburi eniş edib.
Rəy yaz