ICG Ukraynada müharibə fonunda Bakı və Yerevana daha sıx əməkdaşlıq etməyi tövsiyə edir

Bakı/25.04.22/Turan: Beynəlxalq Böhran Qrupu (International Crisis Group - İCG) "Dağlıq Qarabağ: Ukrayna müharibəsinin kölgəsində sülhə gedən yolun axtarışında" başlıqlı məruzə hazırlayıb.

ICG hesab edir ki, 2022-ci ildə Rusiyanın Ukraynada müharibəsi və Qarabağda hərbi əməliyyatlar fonunda Qarabağda münaqişənin bərpa olunacağı ilə bağlı narahatlıqlar yaranıb.

Keçmişdə ATƏT-in Minsk Qrupunun üç həmsədr ölkəsinin diplomatları sinxron şəkildə işləyirdilər. Ukraynada müharibə bu qrupda ixtilaf yaradıb. Hazırki vəziyyətdə Qərb diplomatları Rusiyanın sülhməramlı missiyasının Dağlıq Qarabağda iştirakına heç bir etirazları olmadığını ifadə etməlidirlər, beynəlxalq ekspert qrupu belə hesab edir.

Böhran Qrupu Bakıya və Yerevana müntəzəm görüşlər keçirməklə, Qarabağ əhalisinin sudan istifadə imkanı da daxil olmaqla, təxirəsalınmaz məsələlərin həlli üçün mexanizm yaratmağı təklif edib. "Tərəflərin fövqəladə vəziyyətlərdə görüşəcək nümayəndələrinin təyin edilməsi yaranmış gərginliyin aradan qaldırılmasına kömək edə bilərdi".

Ekspertlər Bakıya ermənilərlə danışıqlara mane olan amilləri aradan qaldırmağı təklif edirlər. ICG-də Azərbaycan SQ-nin saxladığı ermənilərin hamısının atəşkəs sazişi qüvvəyə mindikdən sonra Azərbaycan ərazisinə keçdiyinə və beləliklə, bu sazişin onlara şamil edilməməsinə şübhə edir.

"Regionda ermənilər və azərbaycanlılar arasında zorakılıq tarixini nəzərə alaraq, rəsmi Bakının ermənilərin Azərbaycan vətəndaşı olaraq azərbaycanlılarla eyni imkanlara malik olacağı haqqında səsləndirdiyi versiya qeyri-adekvatdır", deyə Böhran Qrupu qeyd edir.

Məruzənin yekun hissəsində Bakı və Yerevanın sülh danışıqlarına keçməyə hazır olduğu vurğulanır. Daha böyük sabitliyə gedən yolun axtarışı, Ukraynada müharibədən irəli gələn dərin fikir ayrılıqlarına baxmayaraq, Rusiya, Qərb dövlətləri və Türkiyənin razılaşdırılmış səylərini tələb edəcək. Nə qədər çətin də olsa, tərəflər birlikdə işləmələdir, əks halda düşmənçiliyə son qoyulması üçün mövcud olan fürsət əldən veriləcək, region ölkələri isə münaqişənin yenidən qızışması ilə üzləşəcək, İnternational Crisis Group-un məruzəsi bu sözlərlə başa çatır. -0-