İ.Əliyev: 2020-ci ilin əsas yekunu torpaqların işğaldan azad olunmasıdır (YENİLƏNİB)

Bakı/06.01.20/Turan: Yanvarın 6-da Azərbaycan Respublikasının Prezidenti İlham Əliyevin sədrliyi ilə 2020-ci ilin yekunlarına həsr olunmuş videoformatda müşavirə keçirilib.

Prezident İlham Əliyev öz çıxışında bildirib ki, 2020-ci ilin əsas yekunu torpaqların işğaldan azad olunmasıdır. 

Dövlət başçısı qeyd edib ki, 2020-ci ildə Azərbaycanda parlament seçkiləri keçirilib, siyasi partiyalarla dialoqun gücləndirilib, kadr islahatlarının davam etdirilib. 

Prezident İlham Əliyev həmçinin pandemiyanın fəsadlarının aradan qaldırılması istiqamətində görülən işlərdən danışıb.

İlham Əliyev diqqətə çatdırıb ki, ötən il iqtisadiyyat 4 faizdən bir qədər çox azalsa da, qeyri-neft sənayesi 11 faizdən çox artıb. 

Bundan əlavə, kənd təsərrüfatı, orta aylıq əməkhaqqı və pensiyalar da artıb, Neft Fondunun vəsaiti azalmayıb, əksinə, o da artıb. Bununla da Azərbaycan öz valyuta ehtiyatlarını qoruyub.

Prezident İlham Əliyev vurğulayıb ki, Cənub Qaz Dəhlizi, onun son seqmenti olan TAP tam istismara verilib. "Tarixdə ilk dəfə olaraq Azərbaycan qazı artıq Avropa məkanındadır".

Prezident bildirib ki, Dünya Bankının "Doing Business" hesabatında Azərbaycanın reytinqinin artıb, 190 ölkə arasında 28-ci yerdə qərarlaşıb və 10 ən islahatçı ölkə sırasına daxil edilib. 

Prezident İlham Əliyev işğaldan azad olunan torpaqlarda bu il geniş quruculuq işlərinin aparılacağını bildirib.-0-

*   *   *

2021 Yanvar 06 (Çərşənbə) 17:58:58

İlham Əliyev 2020-ci ilin yekunlarına dair müşavirə keçirib

Bakı/06.01.21/Turan: Yanvarın 6-da dövlət başçısı İlham Əliyev 2020-ci ilin yekunlarına dair videokonfrans formatında müşavirə keçirib. O, ilin iqtisadi və siyasi yekunlarına toxunub. Bu barədə ölkə prezidentinin mətbuat xidmətinin məlumatında deyilir. -02D-