Bakı/20.04.18/Turan: Prezident İlham Əliyev aprelin 20-də istehlak bazarına nəzarət, standartlaşdırma, metrologiya və əqli mülkiyyət hüquqları obyektlərinin mühafizəsi sahəsində idarəetmənin təkmilləşdirilməsi ilə bağlı sərəncam imzalayıb.
Sənəd bəzi dövlət qurumlarının ləğvini, habelə yenilərinin yaradılmasını nəzərdə tutur.
Sərəncam İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti əsasında Antiinhisar və İstehlak Bazarına Nəzarət Dövlət Agentliyinin yaradılmasını nəzərdə tutur. Həmin agentlik mərkəzi icra hakimiyyəti orqanı statusunda olacaq.
Bundan başqa Müəllif Hüquqları Agentliyi ilə Patent və Əmtəə Nişanları Mərkəzi birləşəcək. Yenidən təşkil yolu ilə Əqli Mülkiyyət Agentliyi yaradılacaq. Agentliyin təsisçisinin əsas səlahiyyətlərinin həyata keçirilməsi Azərbaycan prezidentinə aid olacaq.
Sərəncama əsasən, Standartlaşdırma, Metrologiya və Patent üzrə Dövlət Komitəsi ləğv edilir. Həmin komitənin səlahiyyəti iki qurum arasında bölüşdürülür. Qurumun texniki tənzimləmə, standartlaşdırma, metrologiya, uyğunluğun qiymətləndirilməsi, akkreditasiya və keyfiyyətin idarə edilməsi sahəsində səlahiyyətləri Antiinhisar və İstehlak Bazarına Nəzarət Dövlət Agentliyinə veriləcək.
Sənaye mülkiyyəti obyektlərinin mühafizəsi sahəsində səlahiyyətlər isə Əqli Mülkiyyət Agentliyinə keçəcək.
"Azərbaycan Metrologiya İnstitutu", "Azərbaycan Standartlaşdırma İnstitutu" və "Azərbaycan Akkreditasiya Mərkəzi" publik hüquqi şəxslərin təsisçilərinin səlahiyyətləri də Antiinhisar və İstehlak Bazarına Nəzarət Dövlət Agentliyinə verilir.--0--
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz